1. Mose 48:16 - O Debleskro Lab 2024 (Sinte-Manouche)

¹⁶ ko bolepaskro, kay las man vin dran hako čilačepen, kova mou čivell peskri barht oun zoor ap kol čavende, te djivell miro lab doureder an lende, ninna o lab miro papestar Abraham oun miro dadestar Isaak. Oun lendar venna boud menshe ap i phoub.

O Debleskro Drom 2021 (Sinte)

¹⁶ ko bolepaskro, kai las man win dran hako tchilatchepen, kowa mu tchiwell peskri bacht un soor ap kol tchawende, te djiwell miro lab dureder an lende, ninna o lab miro papestar Abraham un miro dadestar Isaak. Un lendar wenna bud menshe ap i phub.

1. Mose 48:16 Referans Kwoze

Debleskri gili 34:22

O čilačo merell dran peskro čilačepen. Oun kolla, kay kamenn čilačepen ap i lačende te anell, lenna pengri phagi.

1. Mose 49:22

O Yosef hi har i terno rouk pash o pani, hoy hidjrell boud roukengre. Leskre kashta venn baro oun djan pral i pre-čidde barra, kay lo tardo hi.

1. Mose 48:5

Oun o Yakob penas doureder ap o Yosefeste: “Kanna shoun, tire douy čave, kay bolde van glan ko tsiro, kay vom pash toute an o them Egiptia, – o Efrayim oun o Manasse – kamau te venn yon mire, yaake har o Ruben oun o Simeon.

2. Timoteo 4:18

Ninna an ko tsiro, hoy vella, lell man o Devel dran o tselo čilačepen vin, oun lell man pash peste an o bolepen, kay yob o ray hi. Les sharas mer kanna oun hako tsiro. Amen!

Josua 17:17

Kote penas o Yosua ap kolende dran i khera Efrayim oun Manasse: “T'mer han boud menshe, oun doleske, kay yaake zorelo han, vell t'men boudeder har ko kotar them, hoy t'men kanna hi.

Hebrearja 11:21

Ninna o Yakob patsas, te vell kova čačo, hoy o Devel leske penas. Har yob ap o merepen čiddo his, čivas lo peskre vasta ap o Yosefeskre čavende, oun rakras o Debleskri barht pral lende vin, oun čivas peskro shero glan tele ap peskro kasht, oun sharas o Debles.

Bičepangre 15:17

Kova krau, te poučenn lauter, kay pral ačan, pal mande. Ninna kolla, kay kek bibolde hi, denn man an-gole. Oun yon venn miro, oun venn mange koy.

Johanni 17:15

Me mangau toutar gar, te less len tou dran kay phoub vin. Me mangau tout, te rikress tou o benges lendar pale.

Jesaja 63:9

dran ko tselo pharo koova, hoy ap lende čiddo his. Kek vavar, kek bolepaskro oun kek bičepaskro vas lenge ap i rig. Na-a yob kokres vas, oun las len dran kova lauter vin. Dran leskro tselo dji kamas lo len oun his lenge lačes. Doleske las lo len koy vin, hadas len pre, oun hidjras len hake divessa an ko phouro tsiro.

Debleskri gili 121:7

O baro Devel rikrell peskre vasta pral tiro djipen, te taprell tout kek bibarht.

Tito 2:14

Yob das peskro djipen an o merepen, te las lo mari tseli doosh ap peste, oun te kras lo maro dji djoudjo, te vas mer leskre menshe, oun te kamas i tseli zoryah lačo koova te krell.

1. Korintarja 10:9

Ma rhoyrenn o Yezous Kristes, har kolla an o phouro tsiro o Debles rhoyran, har kran le, har te vals les kek zoor. Oun i sapa dandran len. Oun yon meran.

Amos 9:12

Oun yaake lenn i Israelitarya pale dren, hoy pral ačas o themestar Edom oun kol vavar themendar, kolendar kay his mange, har o David lengro baro ray his. Kova penell o baro Devel, kay krella, te vell kova yaake.

1. Korintarja 10:4

Oun yon piyan lauter ko yek pipen, kay vas o Deblestar. Yon piyan ko pani, kay vas dran i baro bar vin, kay lentsa djas. Ko bar his o Yezous Kristo.

Remarja 8:23

Oun gar kolla kokres, na-a, men ninna hi douka oun dikah o tselo djiyeha ap ko tsiro, kay vah čačepah Debleskre čave oun merah bouder gar. Ninna te hi men kanna o Debleskro Dourho an mende, dikah ap ko tsiro, kay merah bouder gar.

Mateo 6:13

Ma mouk men tiro dromestar tele te djal! Le men dran o bengeskro vast vin!

Maleachi 3:1

O baro Devel, ko ray pral o bolepen oun i phoub penell: Denn yak, me bičrau miro bičepaskres! Yob krell glan mande o drom yaake, har mange mishto hi. Oun ko ray, kolestar t'mer penenn, te rodenn les, kova vell sik pash peskro kheer. Ko bičepaskro, kay t'mentsa pral kova rakrell, hoy t'mentsa vin krom, ap koleste t'mer t'maro tselo djiyeha dikenna, yob hi gar dour.

Jeremia 14:9

Hoske kreh tou, har te djinals gar, hoy te kress, har te vals i kourepaskro kek zoryah? Čačepah, baro Devel, tou hal pash mende. Mer ham tire menshe. Ma mouk men!

Jesaja 47:4

Kova penell o Israeleskro Devel, kay kokres ko čačo Devel hi, oun kay lell o koova peskre menshendar an peskro vast. Leskro lab hi baro Devel, ray pral o bolepen oun i phoub.

Debleskri gili 34:7

Ake hi yek, kay gole das ap o baro Debleste, har leske djoungeles djas, oun yob shounas les oun las les vin dran lauter, hoy leske o djipen phares kras.

Debleskri gili 34:2

Me kamau o baro Debles te sharell hako tsireske, oun kamau gar tele moukell, te parkrap man pash leste.

2. Familjakro liil 7:14

oun mire menshe, kay miro labeha kharedo venn, dikenn palle dren, hoy le kran, oun mangenn man, oun rodenn man oun djan pengre čilače dromma tele, palle shounau an o bolepen lengri gole, oun lau lengri doosh krik oun krau lengro them sasto.

5. Mose 33:17

Leskri zoor hi yaake baro har i gouroumeskri zoor. Kolla, kay lestar venna hi har shinga i divye gourmendar. Kolentsa tradenn le i menshen dran vavar themma bis an i doureder themma ap i phoub. Kova krenn i menshe, kay venna o Yosefeskre douy čavendar: kol 10.000 (deesh-zerya) dran o kheer Efrayim, oun kol zerya dran o kheer Manasse.

5. Mose 28:10

Palle dikenn le an i tsele themma ap i phoub, te han o baro Debleskre vi-rodede menshe, oun yon darenn t'mendar.

2. Mose 1:7

Lengre čave lan yaake boud čave, kay vas o them pherdo lendar.

1. Mose 32:28

Koy poučas lestar ko morsh: “Har khareh tou?” “Yakob”, penas yob.

1. Mose 22:11

Koy das o baro Debleskro bolepaskro dran o bolepen gole: “Abraham, Abraham!” Penas yob: “Kate hom!”

1. Mose 22:15

Oun o baro Debleskro bolepaskro das i douyto kopo ap o Abrahameste gole dran o bolepen

1. Mose 46:3

Oun o Devel penas: “Me hom o Devel, ko Devel tiro dadestar. Ma traash te djas an o them Egiptia! Koy krau me, te vess o dad i bari natsyona.

2. Samuel 4:9

Koy penas o David: “Me dau man sovel pash o djido Debleste, kay las man vin dran hako čilačepen:

Jeremia 15:21

ava, dran i vasta kolendar, kay čilačo ap toute hi, oun kay djan zoryah ap toute pre.

1. Rajengro liil 1:29

das pes o baro ray sovel oun penas: “Me dau man sovel pash o djido Debleste, kay las man vin dran kova lauter, hoy miro djipen phares kras:

Debleskri gili 34:8

O baro Debleskro bolepaskro hi troul kolende, kay djivenn o baro Debleha, oun lell len vin dran i bibarht.