1. Mose 48:12 - O Debleskro Lab 2024 (Sinte-Manouche)

¹² Oun o Yosef las len lestar krik oun vitsras pes glan leste tele, peskro mouy ap i phoub.

O Debleskro Drom 2021 (Sinte)

¹² Un o Josef las len lestar krik un witsras pes glan leste tele, peskro mui ap i phub.

1. Mose 48:12 Referans Kwoze

1. Mose 42:6

Oun o Yosef his o ray pral o them Egiptia oun bikras djob ap kol menshende an ko them. Har leskre phrala van, vitsran pen le tele glan leste o mouyeha ap i phoub.

Efesarja 6:1

T'mer čave, shounenn ap t'maro dadeste oun ap t'mari date! Kova hi mishto glan o Debleste.

Gosewe laba 31:28

Lakre morsh čave stakrenn glan oun sharenn lat. Oun lakro rom sharell lat kal labentsa:

2. Rajengro liil 4:37

Koy vas yoy, vitsras pes glan leskre herya tele bis ap i phoub, las peskro čaves oun djas vin.

1. Rajengro liil 2:19

Oun i Batsheba djas pash o baro rayeste Salomo, te rakrell li leha pral kova, hoy o Adoniya lestar kamell. Oun o baro ray, har dikas lo peskri day, stas lo pre glan late, čivas peskro shero tele glan late, oun beshas pes ap peskri rayeskri beshepaskri. Oun lake moukas lo ninna i beshepaskri te vell, te beshell li pes nay ap leskri čači rig.

3. Mose 19:32

Glan phoure menshende stess tou pre oun dikess pre ap lende. Tou rikress tiro Debles glan tire yaka pash halauter, hoy kreh! Me hom o baro Devel.

3. Mose 19:3

Hakeno t'mendar hounte dikell pre ap peskri date oun ap peskro dadeste, oun hounte rikrell o Debleskro dives! Me, o baro Devel, hom t'maro Devel.

2. Mose 34:8

Koy vitsras pes o Mose sik ap i phoub oun mangas o Debles an:

2. Mose 20:12

Dik ap tiro dadeste oun ap tiri date, te djal lenge mishto. Yaake djiveh i rah djipen an ko them, hoy tout tiro baro Devel della.

1. Mose 33:3

O Yakob djas glan lende oun čivas pes efta kope tele ap i phoub, bis te vas yob pash peskro phraleste.

1. Mose 23:7

Koy stas o Abraham pre oun parkras pes pash lende.

1. Mose 19:1

Har i rati vas, van i douy bolepangre an o foro Sodom. Koy his o Lot an o baro voudar ko forestar beshdo. Har o Lot len dikas, stas lo pre, djas pash lende oun moukas pes glan lende ap i phoub te perell.

1. Mose 18:2

Ap yek kopo dikas yob triin morshen. Kolla his i kotar glan leste tardo. Har yob len dikas, stas lo pre, nashas pash lende oun moukas pes glan lende ap i phoub te perell.

1. Mose 48:11

Oun o Israel penas ap o Yosefeste: “Patsom gar, te dikap tout pale. Oun ake, o Devel kamas te dikap ninna tire čaven.”

1. Mose 48:13

Oun o Yosef las kol douyen: Peskro čaves Efrayim las yob ap peskro čačo vast oun anas les glan o Israeleskro servo vast. Oun peskro čaves Manasse las yob ap peskro servo vast oun anas les glan o Israeleskro čačo vast.