1. Mose 47:9 - O Debleskro Lab 2024 (Sinte-Manouche)

⁹ Penas o Yakob: “Hom 130 (sheel-te-triyanda) bersh phouro. Kova hi kek phourepen. Man hi kek shoukar djipen. Mire phoure van phoureder har me.”

O Debleskro Drom 2021 (Sinte)

⁹ Penas o Jakob: “Hom 130 (sheel-te-triin-deesh) bersh phuro. Kowa hi kek phurepen. Man hi kek shukar djipen. Mire phure wan phureder har me.”

1. Mose 47:9 Referans Kwoze

Debleskri gili 39:12

Tou te deh o menshes i phagi, te anas lo doosh ap peste, palle djal lo yaake paash har i ripen, hoy rhalo vell i kirmestar. Ava, o mensheskro djipen hi či bouder har i dourho.

1. Mose 35:28

Oun o Isaak his 180 (sheel-te-orhta-deesh) bersh phouro.

Debleskri gili 39:5

Baro Devel, sike mande, har sik o djipen trouyel hi, oun kay miro merepen vella, te djinap, te nay ačau gar hako tsiro kay.

Hiob 14:1

O mensho, boldo i djouvyatar, djivell i tikno tsiro, oun marell pes tele peskro tselo djipen.

Josua 24:29

Oun pal kova meras o baro Debleskro boudepaskro, o Yosua, koleskro dad o Noun his. O Yosua vas 110 (yek-sheel-deesh) bersha.

5. Mose 34:7

O Mose his sheel-te-biish (120) bersha, har yob meras. Leskre yaka his gomme zoreles, oun yob nashras gar peskri zoor.

2. Mose 7:7

Oun o Mose his 80 (orhta-deesh) bersha oun o Aron 83 (orhta-deesh-te-triin) bersha phouro, har yon ap o Farao rakran.

2. Mose 6:4

Ninna dom lende miro vast koy pre, te dap len o them Kanaan, ko them, kay yon vi-themarya his.

1. Mose 50:26

Oun o Yosef meras, har yob 110 (sheel-te-deesh) bersha phouro his. Oun yob vas dre-maklo o kouč djeteha oun čiddo an i morhton an o them Egiptia.

1. Petro 2:11

Kamle mala, t'mer djinenn, kay han gar khere ap kay phoub. Me mangau t'men, avenn zorelo! Te vell o djoungelo koova an t'mare djia pre, palle penenn: “Na-a!” ap kova oun krenn les gar!

Jakobo 4:14

Yaake rakrenn t'mer oun djinenn gar, hoy taysar hi! T'maro djipen hi har i dourho, hoy ačella gar. T'mer han i tikno tsiro djido. Oun ap yek kopo han t'mer bouder gar koy.

Debleskri gili 119:54

Kate ap kay phoub, kay me gar khere hom, givau gilya pral tire laba.

Debleskri gili 119:19

Me hom gar khere ap kay phoub. Mouk man te hayvap tire laba!

1. Mose 47:28

Oun o Yakob djivas an o them Egiptia 17 (deesh-te-efta) bersha. Oun yob vas 147 (sheel-te-star-deesh-te-efta) bersha phouro.

1. Mose 11:11

Koy pal, har o Arpaksad boldo vas, djivas o Sem panč-sheel (500) bersha. Oun lestar van vavar čave oun ča bolde.

Hebrearja 13:14

Ap kay phoub hi men kek foro, kay nay ačenna. Na-a. Mer dikah ap ko tsiro, kay djivah an o Debleskro foro, hoy vella.

1. Familjakro liil 29:15

Har mare phoure ham mer ninna vi-themarya glan toute, ham i tikno tsiro ap kay phoub oun djah doureder. Maro djipen ap kay phoub hi har i shatto oun ačell gar.

1. Mose 5:27

Leskro tselo djipen his 969 (enya-sheel-te-shob-deesh-te-enya) bersha. Oun yob meras.

2. Korintarja 5:6

Doleske ačell maro dji zorelo. Mer djinah: Yaake rah, har djivah ap i phoub, ham gar khere pash maro rayeste, o Yezouseste.

1. Mose 47:8

Oun o baro ray poučas lestar: “Har phouro hal tou?”

Debleskri gili 39:13

Baro Devel, shoun miro mangepen! Oun shoun, har dau ap toute gole! Dik mire sva oun rake mantsa! Me hom gar khere ap kay phoub, djivau har i vi-themari pash toute, yaake har ninna mire phoure djivan.