1. Mose 46:32 - O Debleskro Lab 2024 (Sinte-Manouche)

³² I morsha hi bakrengre oun denn yak ap pengre firhende. Oun lengre bakre oun groumya oun lauter, hoy len hi, anan le pentsa.

O Debleskro Drom 2021 (Sinte)

³² I mursha hi bakrengre un denn jak ap pengre viechende. Un lengre bakre un grumja un lauter, hoi len hi, anan le pentsa.

1. Mose 46:32 Referans Kwoze

1. Mose 47:3

Oun o baro ray poučas lendar: “Hoy krenn t'mer?” Oun yon penan ap leste: “Miro ray, mer ham bakrengre yaake har mare phoure.”

Zakarie 13:5

Na-a, hakeno lendar penell: “Me hom kek Debleskro rakepaskro. Me hom i harho. I boudi ap i harhetikri phoub hi miri boudi foun tiknes pre.”

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

1. Rajengro liil 9:27

Oun o Hiram bičras leske morshen pestar, kay hayvan mishto ap o pani te oulerell. Kolla djan khetne o Salomeskre morshentsa ap kol shiffe.

1. Samuel 17:15

djas o David pale te pale i tikno tsiro o Saulestar krik, te dell lo yak ap peskro dadeskre bakre an Betlehem.

2. Mose 3:1

O Moseskri romyakro dad his o Yetro, ko rashay an o them Midian. Koles his bakre oun bouzya. Oun o Mose das yak ap lende, oun anas len pral o tato moulo them, oun vas pash o Debleskri berga, hoy kharella Horeb.

1. Mose 46:34

Penenn ap leste: Miro ray, mer ham bakrengre foun tiknes pre, yaake har mare phoure. Penenn kova, te nay ačenn an o them Gosen.” Hako bakrengro hi i pale-čiddo glan i Egiptarya.

1. Mose 45:10

Tou djivess an o them Gosen, hoy hi gar dour mandar: tou oun tire čave oun tire čavengre čave, ninna tire bakre oun bouzya, tire groumya oun halauter, hoy tout hi.

1. Mose 37:2

Kova hi ko liil, kay činlo hi pral o Yakobeskre čavende. O Yosef, i terno morsh, – yob his deesh-te-efta bersha phouro, – das yak ap i bakrende khetne peskre phralentsa. Kolla his i čave leskro dadeskre romyendar, i Bilha oun i Silpa. Oun te kran leskre phrala čilačo koova, penas lo kova pengro dadeske.

1. Mose 31:18

oun tradas peskre tsele firhen glan peste. Ninna las lo peskro tselo bravlepen, hoy yob kras peske khetne an o them Paddan-Aram, te djal lo pash peskro dadeste Isaak an o them Kanaan.

1. Mose 9:20

Oun o Noah his i harho oun čivas drakengre rouka an i phoub.

1. Mose 4:2

Oun pal kova anas yoy i douyto čaves ap i phoub. Koles das li o lab Abel. O Abel vas i bakrengro. O Kayn vas i harho oun boudras ap i harhetikri phoub.

1. Samuel 16:11

Palle poučas o Samuel o Isayestar: “Hi kalla tire tsele morsh čave?” Yob penas: “O terneder lendar hi gomme gar koy. Kova hi vin oun dell yak ap i bakre.” Oun o Samuel penas ap o Isay: “Biče yekes koy, te anell lo les. Mer beshah gar te rhas, bis te yob kay hi.”

1. Mose 46:31

Oun o Yosef penas ap peskre phralende oun ap i vavarende an peskro dadeskri familya: “Me djau pash o baro rayeste te penap leske: Mire phrala oun kol vavar dran miro dadeskri familya, kay an o them Kanaan djivan, van pash mande.

1. Mose 46:33

Oun kanna, te kharell o baro ray t'men oun poučell: Hoy krenn t'mer?