1. Mose 46:29 - O Debleskro Lab 2024 (Sinte-Manouche)

²⁹ Har yon an o them Gosen van, pandas o Yosef i graya glan peskro vourdin oun ouleras an o them Gosen pash peskro dadeste Israel. Har o Yosef les dikas, čivas yob peskre moussya troul leste, oun rovas ap leskro beč oun nay heras gar pre.

O Debleskro Drom 2021 (Sinte)

²⁹ Har jon an o them Gosen wan, pandas o Josef i graja glan peskro wurdin un uleras an o them Gosen pash peskro dadeste Israel. Har o Josef les dikas, tchiwas job peskre mussja trul leste, un rowas ap leskro betch un nai heras gar pre.

1. Mose 46:29 Referans Kwoze

Louka 15:20

Oun yob stas pre, oun djas pash peskro dadeste pale. Har leskro dad les doural dikas, khaytas o čavo les. Oun o dad nashas pash leste, tapras les trouyel, oun čoumras les.

1. Mose 33:4

Koy nashas o Esau pash leste, las les troul i meen oun čoumras les. Oun hake douy rovan.

Bičepangre 20:37

Koy rovan le lauter zoreles, tapran les trouyel oun čoumran les.

1. Mose 45:21

Oun o Israeleskre čave kran yaake. O Yosef das len vourdya, yaake har o baro ray leske penas, ninna rhapaske ap o drom.

1. Mose 45:19

Ap toute penau, te dess len vourdya dran o them Egiptia lengre čavenge oun romyenge, te lenn le pengro dades kay!

1. Mose 41:43

Oun moukas les te oulerell ap o douyto vourdin. Glan leste dan le vin gole: “Vitsrenn t'men tele glan leste!” Yaake das o baro ray o tselo them Egiptia an o Yosefeskre vasta.

1. Mose 43:30

Har o Yosef peskro phrales dikas, his leske ropaske. Oun yob djas sik an peskri isema oun rovas koy.

1. Mose 45:2

Oun yob rovas zoreles. Oun i Egiptarya shounan kova, ninna i menshe an o kheer o baro rayestar.

1. Mose 46:30

Oun o Israel penas ap o Yosefeste: “Kanna nay merau, kanna, kay dikom tout oun djinau, tou djiveh.”

1. Mose 50:9

Ninna vourdya oun klissepangre djan lentsa. Halauter khetne his boud boud menshe.