1. Mose 45:26 - O Debleskro Lab 2024 (Sinte-Manouche)

²⁶ Oun yon penan ap leste: “O Yosef djivella. Oun yob hi o ray pral o tselo them Egiptia.” Koy ačas leskro dji tardo. Oun yob patsas len gar.

O Debleskro Drom 2021 (Sinte)

²⁶ Un jon penan ap leste: “O Josef djiwella. Un job hi o rai pral o tselo them Egiptia.” Koi atchas leskro dji tardo. Un job patsas len gar.

1. Mose 45:26 Referans Kwoze

1. Mose 44:28

Ko yek djas peske mandar oun me penom mange: I divyo firho maras les. Oun me dikom les bouder gar pale bis kanna.

1. Mose 37:35

Oun leskre tsele čave oun ča van pash leste, te rakrenn le leha lačes. Oun yob kamas gar, te vell leskri douk krik lino. “Na-a” penas yob, “miro dji rovella, bis te merau oun vau pash miro čaveste.” Yaake rovas leskro dad pral o Yosefeste.

Louka 24:41

Yon nashte patsan gar, kay hi o Yezous glan lende tardo, yaake barhtelo his le. Har djinan le gar, hoy te penenn le, poučas lo lendar: “Hi t'men čomone te rhal?”

Louka 24:34

Oun kolla, kay kote khetne hi, penan lenge: “O Devel kras čačepah o Yezouses djido, oun o Simon dikas les.”

Louka 24:11

Oun kova, hoy i djouvya penan, his i morshenge dinelo rakepen. Oun yon patsan kol djouvyen gar.

Jona 2:7

Me djom tele bis kote kay hadenn pen i berge, bis an o moulengro them, kay o voudar vell pandlo pal mande hako tsireske. Tou baro Devel, miro Devel, anal man djides vin dran o merepen.

Debleskri gili 126:1

I gili te givell ap o drom an Yerusalem. Har anas men o baro Devel pale pash i berga Sion, hams mer har save, hoy souni denna.

Debleskri gili 105:21

Oun kras, te vas o Yosef o pralstouno pral leskro kheer, oun čivas lauter, hoy les his, an leskre vasta.

Hiob 29:24

Te his lenge ropaske, som kamles ap lende. Oun har dikom lačes ap lende, lan le pale nevi zoor.

Hiob 9:16

Ninna te moukals lo man leha te rakrell, patsau me gar, te shounals lo ap miro rakepen.

1. Mose 42:38

“Na-a”, penas o Yakob. “Miro čavo djal gar t'mentsa! Leskro phraal hi moulo. Oun yob kokres ačas mange leskri datar i Rachel. Me hom i phouro rom. Te taprels les i bibarht ap o drom, meraus i bari doukatar.”

1. Mose 42:36

Oun lengro dad, o Yakob, penas ap lende: “T'mer čoran mire čaven mandar: O Yosef hi bouder gar koy. Oun o Simeon hi bouder gar koy. Oun o Benyamines kamenn t'mer ninna mandar te lell. Kova lauter vell ap mande!”

1. Mose 37:31

Koy lan yon o Yosefeskro ripen, maran i bouzni oun čivan ko ripen an o rat.

1. Mose 45:25

Oun yon djan dran o them Egiptia oun van an o them Kanaan pash lengro dadeste Yakob.

1. Mose 42:29

Oun yon van an o them Kanaan pash pengro dadeste Yakob oun penan leske halauter, hoy lenge djas oun penan:

1. Mose 48:11

Oun o Israel penas ap o Yosefeste: “Patsom gar, te dikap tout pale. Oun ake, o Devel kamas te dikap ninna tire čaven.”