1. Mose 45:20 - O Debleskro Lab 2024 (Sinte-Manouche)

²⁰ Pen lenge, len hounte khaytell kova gar, te moukenn le lauter čiddo. O feteder an o them Egiptia lenn yon.”

O Debleskro Drom 2021 (Sinte)

²⁰ Pen lenge, len hunte khaitell kowa gar, te mukenn le lauter tchiddo. O feteder an o them Egiptia lenn jon.”

1. Mose 45:20 Referans Kwoze

Jesaja 1:19

Kamenn t'mer ap mande te shounell? Palle nay rhan t'mer o tselo lačepen, hoy o them vin anell.

Louka 17:31

Koon ap ko dives ap o kheer hi, oun kones peskro koova an o kheer hi, kova hounte djal gar tele, te lell lo kova. Oun koon ap peskro kotar phoub boudrella, hounte djal gar bouder khere.

Ezekiel 20:17

Palle khaytan le man. Doleske rikrom man pale, te marap len halauteren kote an o moulo tato them.

Ezekiel 9:5

Ap kol vavar morshende penas lo yaake, te shounom kova: Djan pal leste an o foro oun denn hakenes moulo. Dikenn kek kamlepah ap lende! Kek hounte khaytell t'men!

Ezekiel 7:9

Me dikau bouder gar lačes ap t'mende. Man khaytenn t'mer gar. Ko djoungelo koova, hoy kran, vell ap t'mare sherya pale. Oun t'mer lenn t'mari phagi. Oun t'mer dikenn oun hayvenn palle, te hom me o baro Devel, kova kay t'men dell.

Ezekiel 7:4

Me dikau bouder gar lačes ap toute. Man khayteh tou gar. Ko djoungelo koova, hoy kral, vell ap tiro shero pale. Oun tou leh tiri phagi. Oun t'mer dikenn oun hayvenn palle, te hom me o baro Devel.

Jesaja 13:18

I terne morshen denn le karye moulo pengre bogentsa. Oun len hi kek dji i tikne čavenge; i čave khaytenn len gar.

Esra 9:12

Doleske ma denn t'mare čen lengre čavenge! Oun lengre čen ma lenn len t'mare čavenge! Ma avenn lengre mala! Oun denn yak, te venn le gar bravelo, an kek tsiro. Palle nay venn t'mer zoreles an o them, oun nay rhan ko lačepen, hoy an ko them koy hi. Kova nay denn palle t'mare čaven, te djivenn le an hako tsiro an ko them.

1. Samuel 30:24

Koon te shounell an kava koova ap t'mende? Kava te vell yaake: Ko yek djal an o marepen, oun ko vavar dell yak ap i platsa. Oun dran lauter hoy randedo vas, lell hakeno, kova kay maras, oun kova kay yak das, oun hakeno yaake boud har o vavar!”

1. Samuel 25:13

Kote penas o David ap peskre morshende: “Hakeno pandell peskro rharo troul peste!” Oun yaake kran le. Oun o David čivas peskro rharo ninna trouyel. Oun yon djan pal o Davideste: yaake 400 (star-sheel) morsha. Oun 200 (douy-sheel) ačan pale ap i platsa, te denn le pre yak.

1. Samuel 10:22

Oun yon poučan o baro Deblestar: “Vas ko morsh kay?” Oun o baro Devel penas: “Yob khatras pes ap i platsa, kay i koola hi.”

Josua 7:11

O Israel anas bari doosh ap peste! Yon rikran pen gar ap mire laba, hoy lenge penom, te hounte rikrenn le. Oun yon lan kolestar, hoy mange his oun čoran les oun čivan les čorrhanes pash pengro koova pashel.

5. Mose 19:21

Ko rhorheno hounte khaytell t'men gar! Krenn yaake: Yek djipen i djipaske, yek yak i yakeske, yek dand i dandeske, yek vast i vasteske, yek piro i pireske!

5. Mose 19:13

Yob te khaytell t'men gar! Savo marepaskro hounte merell, te djal t'menge mishto an Israel. Yob maras yekes, ap koleste kek doosh his.

5. Mose 7:16

T'mer hounte marenn i tsele natsyone, hoy t'maro baro Devel an t'mare vasta dell. Yon hounte khaytenn t'men gar, oun lengre deblen hounte mangenn gar an. Yon anans t'men an i bibarht.

2. Mose 22:7

Te vell ko čorepaskro gar hatslo, palle dell pes ko morsh, dran koleskro kheer ko koova čoredo vas, glan o Debleste sovel, te čoras lo ko koova gar kokres.

1. Mose 45:18

Oun lenn t'maro dades oun t'mare tsele menshen, oun avenn pash mande! Oun kamau te dap t'men o feteder kotar them an o them Egiptia, te rhan t'mer o lačeder rhapen ko themestar.

Mateo 24:17

Kova, kay pral ap o kheer hi, hounte djal bouder gar an peskro kheer dren, te lell lo peskro koova vin.

1. Mose 20:15

Oun o Abimelek penas: “Miro tselo them hi glan toute čiddo. Ač kote, kay tou kameh!”

1. Mose 45:19

Ap toute penau, te dess len vourdya dran o them Egiptia lengre čavenge oun romyenge, te lenn le pengro dades kay!

1. Mose 45:21

Oun o Israeleskre čave kran yaake. O Yosef das len vourdya, yaake har o baro ray leske penas, ninna rhapaske ap o drom.

1. Mose 47:6

O them Egiptia hi ninna touke koy. Rode tiro dadeske oun tire phralenge o feteder kotar them vin, te djivenn le kote! Mouk len te djivell an o them Gosen! Oun te dikeh, kay hi morsha mank lende, kay krenn pengri boudi mishto, kre te venn le pralstoune pral mire firhende.”