1. Mose 44:17 - O Debleskro Lab 2024 (Sinte-Manouche)

¹⁷ Penas o Yosef: “Savo koova krau gar. Ko rom, kay hatsan o khoro pash leste, hounte vell miro boudepaskro. T'mer vavar nay djan an o lačepen khere pash t'maro dadeste.”

O Debleskro Drom 2021 (Sinte)

¹⁷ Penas o Josef: “Sawo koowa krau gar. Ko rom, kai hatsan o khoro pash leste, hunte well miro budepaskro. Tumer wawar nai djan an o latchepen khere pash tumaro dadeste.”

1. Mose 44:17 Referans Kwoze

Gosewe laba 17:15

Kova hi douy kope i djoungelo koova glan o baro Debleskre yaka: te rakrell yek koles čačes, kay doosh ap peste las, oun ninna, te čivell yek doosh ap koleste, kay o čačepen kras.

Debleskri gili 75:2

Mer sharah tout, maro Devel. Mer parkrah men pash toute, te hal pash mende, oun rakrah halauterestar, hoy tou kral an tiri bari zoor.

2. Samuel 23:3

Mantsa rakras o Israeleskro Devel, oun kova, kay rikras peskre vasta pral o Israel, penas mange: “Koon ray pral i menshende hi, oun djal pal o čačepen, oun rikrell peske o Debles glan peskre yaka pash kova, hoy lo krell,

1. Mose 42:18

Ap o triinto dives penas o Yosef ap lende: “Te krenn t'mer, hoy penau, ačenn t'mer djido. Me darau o Deblestar.

1. Mose 26:29

De tiro dadeskro vast koy pre, te kress menge kek čilačepen, yaake har mer hams touke lačo oun moukam tout te djal, har tou kamal. Ap toute hi i barht o baro Deblestar čiddo.”

1. Mose 18:25

Ko nashte kreh tou gar, te dess kolen temerl, kay kek čilačepen kran – khetne kolentsa, kay čilačo hi. Yaake te djal koleske, kay an o čačepen tardo hi, har koleske, kay čilačo hi. Tou hal o čačepaskro ray pral i tseli phoub. Kameh tou čomone te krell, hoy gar mishto oun čačo hi?”

1. Mose 44:16

Penas o Youda ap leste: “Hoy penas mer touke, miro ray? Har nay sikrah, kay hi men kek doosh an kava koova? O Devel dell men i phagi. Miro ray, mer ham kanna tire boudepangre: mer oun kova, kay hatsan o khoro pash leste.”

1. Mose 44:18

Koy vas o Youda glan oun penas ap leste: “Mangau tout, miro ray, mouk man touha te rakrell! Ab gar rhoyedo ap mande, miro ray! Tou hal yaake baro har o baro ray pral o them Egiptia.

1. Mose 44:10

“Mishto”, penas yob. “Mer krah yaake, har penan. Kova vell miro boudepaskro, kay hatsau o khoro pash leste. T'mer vavar nay djana.”