1. Mose 42:38 - O Debleskro Lab 2024 (Sinte-Manouche)

³⁸ “Na-a”, penas o Yakob. “Miro čavo djal gar t'mentsa! Leskro phraal hi moulo. Oun yob kokres ačas mange leskri datar i Rachel. Me hom i phouro rom. Te taprels les i bibarht ap o drom, meraus i bari doukatar.”

O Debleskro Drom 2021 (Sinte)

³⁸ “Na-a”, penas o Jakob. “Miro tchawo djal gar tumentsa! Leskro phraal hi mulo. Un job kokres atchas mange leskri datar i Rachel. Me hom i phuro rom. Te taprels les i bibacht ap o drom, meraus i bari dukatar.”

1. Mose 42:38 Referans Kwoze

1. Mose 37:35

Oun leskre tsele čave oun ča van pash leste, te rakrenn le leha lačes. Oun yob kamas gar, te vell leskri douk krik lino. “Na-a” penas yob, “miro dji rovella, bis te merau oun vau pash miro čaveste.” Yaake rovas leskro dad pral o Yosefeste.

1. Mose 42:4

O Benyamin, o Yosefeskro terneder phraal, djas gar lentsa. O Yakob kamas gar, te djal yob peskre phralentsa. Yob penas: “Te taprell les kek bibarht!”

1. Mose 37:33

Oun o Yakob prindjras ko ripen oun penas: “Kova hi miro čaveskro ripen. I divyo firho dandras les an kotya oun rhas les pre.”

1. Mose 42:13

Penan yon: “Miro ray, deesh-te-douy phrala ham mer. Ham čave yek romestar an o them Kanaan. O terneder hi kanna pash maro dadeste. Oun yek hi bouder gar koy.”

Jesaja 46:4

Ninna te van t'mer phouro, ačau me kova, kay homs; ninna te lan t'mer parne balla, rikrau t'men. Me hom, kay krom t'men. Oun me rikrau t'men, oun hidjrau t'men, oun lau t'men dran o čilačepen vin.

Jesaja 38:10

Me penom mange: Mashkral an miro djipen hounte merap oun pash i moulende hounte djap. I bersha, hoy mange hounte vans, van mange randedo!

Sikepaskro 2:26

Kol menshe, kay djivenn yaake har glan o Debleste mishto hi, kolla lenna lestar gosvepen oun barht an o dji. Kolla, kay djan o Debleskro dromestar tele, kolen moukell lo te boudrell oun bravlepen khetne anell, hoy pal i tsiro i vavareske vell, yekeske, kay djivell yaake har glan o Debleste mishto hi. Palle his leskri tseli boudi čičeske, oun yaake har te nashals lo pal o dourho, hoy djal pral i phoub.

Sikepaskro 1:14

Me dikom halauter, hoy kerdo vas ap kay phoub, oun nay penau t'menge, halauter hi čičeske, oun yaake har te nashals yek pal o dourho, hoy djal pral i phoub.

Debleskri gili 90:10

Maro djipen hi 70 (efta-deesh) bersha, te hi boud, 80 (orhta-deesh) bersha. Oun kova, hoy menge shoukar his, hi či har boudi oun pharepen. Oun sikeder har sik hi lauter trouyel.

Debleskri gili 71:18

Ninna kanna, kay phouro vom, oun mire balla parno van, ma dja mandar, miro Devel! Kamau te penap i čavengre čavenge oun lauterenge, kay pal lende venna, har zorelo tou hal.

1. Rajengro liil 2:6

Kre leha yaake har glan tire yaka mishto hi! Yob hi kanna i phouro morsh. Mouk les gar an o lačepen te merell!

1. Mose 44:20

Oun mer penam ap toute, miro ray: Men hi i phouro dad oun i terno phraal, kay boldo vas, har maro dad phouro his. Leskro phraal hi moulo. Oun yob kokres ačas pral peskri datar. Oun leskro dad kamell les i djiyestar.

1. Mose 37:34

Oun o Yakob kras peskre ripya paash i doukatar. Oun čivas i gono troul peste oun rovas i rah tsiro pral peskro čaveste.

1. Mose 42:37

Koy penas o Ruben ap peskro dadeste: “Te dau me les toute gar pale, nay mareh tou mire douy čaven. Tou deh les an mire vasta oun me dau les toute pale.”

1. Mose 43:13

Lenn t'maro phrales oun krenn t'men ap o drom! Djan pale pash o romeste!

1. Mose 44:22

Oun mer penam ap toute, miro ray: Ko čavo moukell nay gar peskro dades. Moukell yob les, merell leskro dad.