1. Mose 41:46 - O Debleskro Lab 2024 (Sinte-Manouche)

⁴⁶ O Yosef his 30 (triyanda) bersha phouro, har das les o baro ray pral Egiptia koy boudi. Oun o Yosef djas peske o baro rayestar oun djas an o them Egiptia trouyel.

O Debleskro Drom 2021 (Sinte)

⁴⁶ O Josef his 30 (trijanda) bersha phuro, har das les o baro rai pral Egiptia koi budi. Un o Josef djas peske o baro rajestar un djas an o them Egiptia trujel.

1. Mose 41:46 Referans Kwoze

Daniel 1:19

Oun o baro ray rakras lentsa! Oun mank kol tsele morsha vas kek hatslo, koon yaake his har o Daniel oun o Hananya oun o Mishael oun o Asarya. Oun yon van pralstoune an o baro rayeskro kheer.

1. Rajengro liil 12:6

Kote djas o ray Roboam pash i phoureden; kolla his ninna glan leskro dadeste, o Salomeste, tarde, har yob gomme djivas. Oun o Roboam penas: “Penenn mange t'maro gosvepen, hoy te vell kal menshenge penlo?”

2. Samuel 5:4

Triin-deesh bersha phouro his o David, har yob baro ray vas, oun les his penepaske star-deesh bersha.

1. Samuel 16:21

Yaake vas o David pash o Sauleste, te boudrell yob leske. Oun o Saul kamas o Davides o djiyestar. Oun yob vas leskro hidjepaskro, kay hidjras leskro rharo oun vavar kourepaskro koova.

4. Mose 4:3

Le kokres kolen, hoy mank triyanda oun paash-sheel bersha phouro hi, halauter kolen, kay nay venn boudepaske ap o Debleskro kheer.

1. Mose 37:2

Kova hi ko liil, kay činlo hi pral o Yakobeskre čavende. O Yosef, i terno morsh, – yob his deesh-te-efta bersha phouro, – das yak ap i bakrende khetne peskre phralentsa. Kolla his i čave leskro dadeskre romyendar, i Bilha oun i Silpa. Oun te kran leskre phrala čilačo koova, penas lo kova pengro dadeske.

Judas 1:24

Maro Debles hi i zoor, te rikrell lo t'men ap leskro drom, te hatsell lo kek doosh ap t'mende ap ko dives, kay han glan leste tardo, oun dikenn leskro raylepen, oun han barhteles.

Louka 21:36

Denn yak hako tsiro! Mangenn o Deblestar, te venn t'mer zorelo an o patsepen tardo, oun venn mishto vin dran ko čilačo tsiro, hoy vella! Yaake hounte trashenn t'mer gar o Menshengro Čavestar, te vell lo pale.”

Louka 3:23

O Yezous nay his yaake triyanda bersha phouro, har yob i menshenge o Debleskro lab penas. I menshe patsan, kay o Yosef leskro dad hi. O Yosefeskro dad his o Eli.

Gosewe laba 22:29

Dikeh i morsh, kay peskri boudi hayvella, palle djiness, kova nay boudrell bare rayenge. Savenge, kay gar an-diklo hi, boudrell lo gar.

1. Rajengro liil 12:8

Oun yob das či pre, hoy i phoureder leske penan, oun djas pash i terne morshende, kolla, kay van leha khetne bares, oun kanna leske boudran.

1. Mose 41:47

Oun o them das boud djob an kol efta lače bersha.

1. Mose 42:8

O Yosef prindjras peskre phralen, yon prindjran les gar.

1. Mose 45:6

Douy bersha bokan le an kava them. Oun panč bersha hi glan lende, kay čivrenn le nay kek djob an i phoub, vitar gar anenn le djob dren.

Daniel 1:4

“Yon hounte venn sasto oun shoukar, gosevo oun siklo”, penas lo. “Ninna hounte hayvenn le pen an halauter mishto vin, oun nay hayvenn sik, yaake te nay boudrenn le mange an miro kheer. Oun lenge vell pashel anlo, har i Kaldearya rakrenn oun pengro rakepen činenn.”