1. Mose 41:15 - O Debleskro Lab 2024 (Sinte-Manouche)

¹⁵ Oun o baro ray penas ap o Yosefeste: “Me dom souni. Oun kek hi koy, kay penell nay, hoy miri souni penella. Toutar penan yon mange: Te shouneh i souni, peneh nay, hoy i souni penella.”

O Debleskro Drom 2021 (Sinte)

¹⁵ Un o baro rai penas ap o Josefeste: “Me dom suni. Un kek hi koi, kai penell nai, hoi miri suni penella. Tutar penan jon mange: Te shuneh i suni, peneh nai, hoi i suni penella.”

1. Mose 41:15 Referans Kwoze

Daniel 5:16

Toutar shounom, te nay peneh tou, hoy kova kamell te penell, oun te nay čakreh tou pre, hoy kek djinell. Hayveh tou kanna kol laba te draverell, hoy kote činlo hi oun nay peneh mange, hoy kolla kamenn te penell, palle veh tou rido an rayengre lole koola, oun leh koy pashel i sonakaskri verkli troul tiri meen. Oun tou veh o triinto pralstouno an miro them.”

Daniel 5:12

Kova, hoy yob hayvell, hatseh gar pash i vavareste. Yob hi gosevo, nay penell, hoy sounya kamenn te penell, hayvell phare laba, oun sikrell pre, hoy kek djinell. Yob hi o Daniel. Oun o baro ray das les o lab Beltsazar. Mouk kanna o Danieles gole te dell, te vell lo kay. Oun yob penell touke, hoy kava kamell te penell.”

Debleskri gili 25:14

O baro Devel hi o maal kolenge, kay djivenn leha, oun lende sikrell lo, te hi lo lengro Devel oun yon peskre menshe.

1. Mose 40:8

Penan yon ap leste: “Mer dam souni. Oun kek hi koy, kay penell nashte, hoy mare sounya menge penenna.” Penas o Yosef ap lende: “O Devel penell nay, hoy kol sounya penenna. Penenn t'mare sounya mange!”

1. Mose 41:8

Taysarlakro daras yob. Oun yob moukas i tsele dourkepangre oun goseve an o them Egiptia te kharell. Oun o baro ray penas lenge, hoy yob souni das. Oun kek his koy, kay penell nashte, hoy koy souni leske penella.

Daniel 2:3

Oun o baro ray penas ap lende: “Me dikom i souni, koya mange palla djal, oun me kamau t'mendar te djinell, hoy dom souni, oun hoy koy souni kamell te penell.”

Daniel 4:9

Leskre patria his shoukar, oun boud roukengre his ap leste. Oun rhapaske his hakeneske doha ap leste. Tel leste čivan pen i vesheskre firhe tele. Oun ap leskre kashta beshan i čirkle. Oun lauter, hoy djivas, rhas lestar.

Daniel 4:18

oun koleskre patria shoukar his, oun koles yaake boud roukengre hidjras, te his hakeneske doha te rhal, tel koleste i veshengre firhe čiddo his oun i čirkle ap leskre kashta beshdo his,

2. Familjakro liil 26:5

Oun yob rodas o Debles, yaake rah har o Zakarie djivas. Kova sikras leste, har nay djivell lo o Debleha. Oun yaake rah, har yob o baro Debles rodas, moukas leske o Devel halauter mishto te djal.

Daniel 5:14

Me shounom, te hi o dourho o bolepangre deblendar an toute. Ninna vell touke kova siklo, hoy i vavarenge khatedo ačell, oun hal gosevo oun djineh boud koova.