1. Mose 41:1 - O Debleskro Lab 2024 (Sinte-Manouche)

¹ Pal douy bersha das o baro ray souni: An i souni dikas pes yob tardo pash o pani Nil.

O Debleskro Drom 2021 (Sinte)

¹ Pal dui bersha das o baro rai suni: An i suni dikas pes job tardo pash o pani Nil.

1. Mose 41:1 Referans Kwoze

Mateo 27:19

Har o Pilato ap o čačepaskro beshepaskro beshdo his, te rakrell lo o čačepen pral leste vin, moukas leskri romni leske te penell: “Ko morsh anas kek doosh ap peste. Mouk les te djal! Taysar rati his man i čilači souni, oun man his bare douka dran leste.”

Ezekiel 29:9

Oun i tseli Egiptia vell i moulo them, kay či har barra pral ačenn. Oun yon dikenn oun hayvenn palle, te hom me o baro Devel. Tou, Farao, penal: “Kava baro lengsto pani hi miro. Me hom kova, kay kras les.”

Ezekiel 29:3

Pen leske: Kava penell o baro Devel, maro ray: Tou Farao, baro ray pral Egiptia, kanna sikrau les touke! Tou hal har i baro čilačo firho čiddo an tire bare lengste panya, oun peneh: “Ko baro lengsto pani hi miro. Mange krom les.”

Jesaja 19:5

O pani an o Nil vell krik rhalo, ko lengsto pani hi gar bouder.

Ester 6:1

An koya rat nay sovas o baro ray gar, oun moukas peske glan te draverell dran o bershengro liil o themestar.

5. Mose 11:10

Kava them an kova t'mer venna, te lenn les t'menge dren, hi gar har ko them Egiptia, dran koleste t'mer vin djan. Kote hounte boudran phares te anenn o pani ap t'mari harhetikri phoub.

2. Mose 4:9

Oun te patsenn le tout pale gar, ninna te dikan le ko baro koova, hoy krom o kashteha oun o vasteha, oun shounenn gar koy pre, hoy tou lenge peneh, palle le pani dran o Nil, oun čore o pani ap i phoub! Palle vell ko pani rat.”

2. Mose 1:22

Kanna penas o Farao ap i Egiptarya an peskro tselo them: “Kol tsele morsh čave, hoy neves boldo van, vitsrenn an o pani Nil! Oun i čen moukenn te djivell!”

1. Mose 40:5

Yek rati dan kol douy souni, o pralstouno pral o pipen oun o pralstouno pral o maro. Hakeno das souni. Oun koy souni kamas lenge čomone te penell.

1. Mose 31:21

Oun o Yakob oun halauter, hoy les his, nashan oun djan pral o lengsto pani Eufrat. Oun djan ap o drom an i berge, kay kharenna Gilead.

1. Mose 29:14

Koy penas o Laban: “Čačepah, tou hal mire menshendar.” Oun o Yakob ačas pash o Labaneste yek čon.

1. Mose 20:3

An i rati vas o Devel an i souni pash o Abimelek oun penas ap leste: “Tou hounte meress. Koy djouvel, kay tou lal, hi romedino.”

1. Mose 28:12

Koy das lo souni: Yob dikas i treppa ap i phoub tardo. Koya djas bis an o bolepen. Oun o Debleskre bolepangre djan pre oun tele.

1. Mose 40:23

Oun o pralstouno pral o pipen bistras o Yosefes. Oun yob vas leske bouder gar an o shero.

1. Mose 41:2

Dran o pani Nil van efta shoukar oun thoulle groumya vin. Kolla rhan o zenlepen pash o pani.