1. Mose 4:5 - O Debleskro Lab 2024 (Sinte-Manouche)

⁵ Ap o Kayn dikas yob gar lačes, vitar gar ap kova, hoy yob rhačras o Debleske. Koy las o Kayn i bari rholi oun dikas rhoyedo tele ap i phoub.

O Debleskro Drom 2021 (Sinte)

⁵ Ap o Kain dikas job gar latches, witar gar ap kowa, hoi job chatchras o Debleske. Koi las o Kain i bari choli un dikas chojedo tele ap i phub.

1. Mose 4:5 Referans Kwoze

Hebrearja 11:4

An o phouro tsiro patsas o Abel ap o Debleste, oun maras leske i firho. Har dikas o Devel, hoy o Abel leske anas, dikas lo lačes ap kova. Yaake vas o Abel an o čačepen tardo glan leste. Kova, hoy leskro phraal, o Kayn, o Debleske anas, kova his gar yaake lačo glan o Debleskre yaka har kova, hoy o Abel leske anas. Ninna te meras o Abel, sikrell men leskro djipen gomme kava dives leskro patsepen.

Hiob 5:2

Koon rhoyrell pes pral halauter, hi dinelo. Leskri rholi tassrell les. Koon peskri rholi gar pale rikrell, hi narvelo. Yob merell ap peskri rholi.

Bičepangre 13:45

Har i bibolde kol boud menshen dikan, zilveran le ap kol douyende. Yon čingran ap o Pauleste, oun rakran i djoungele laba pral leste.

Debleskri gili 20:3

Mou vell lo dran leskro kheer ap tiri rig! Oun dran o foro Sion bičrell lo touke zoor!

Mateo 20:15

Me krau nay mire loventsa, hoy me kamau. Hoske hal tou čilačo ap mande, te hom me lačo?

4. Mose 16:15

Koy vas o Mose rhoyedo, oun penas ap o baro Debleste: “Ma dik lačes ap kova, hoy yon tout denna! Me lom gar i bourika lendar, oun krom len kek čilačepen.”

1. Mose 31:5

Oun yob penas ap lende: “Hayvom, kay t'maro dad dikell bouder gar lačo ap mande har glan kava tsiro. Miro dadeskro Devel his mantsa.

1. Mose 31:2

Oun o Yakob hayvas, kay o Laban bouder gar lačo ap leste his, har glan kava tsiro.

Judas 1:11

Bibarht vell ap lende! Yon djan ap o čilačo drom, kay ninna o Kayn djas. Oun i lovenge anenn le doosh ap pende, yaake har o Bileam kras. Oun yaake har o Korah merenn le. O Korah hadas pes peskre menshentsa pral o Debleskre morshende.

1. Samuel 16:7

O baro Devel penas ap o Samuel: “Ma dik ap kova, har yob vin dikella oun har baro yob hi! Koles rodom me gar vin. O baro Devel dikella gar ap kova, kay i menshe pre dikenna. I menshe dikenn ap kova, hoy glan lengre yaka hi, o baro Devel dikella ap o dji.”

Gosewe laba 29:10

I marepangre hi rhoyedo pral koleste, kay kek doosh ap peste anas. Kolla, kay an o čačepen tardo hi, denn yak ap koleskro djipen.

Jesaja 3:9

O čilačepen dikell dran lende vin. Oun yon anenn doosh ap pende oun kolah sharenn le pen ninna gomme, yaake har kol menshe an o foro Sodom ninna kran. I bibarht vell ap lende, koya anenn yon kokres pengro djoungelo djipah pral pende!

1. Mose 39:19

Har o Potifar kol laba peskri romyatar shounas, har yoy penas yaake kras tiro boudepaskro mantsa, vas yob an i bari rholi.

Hiob 15:13

Ap o Debleste hal rhoyedo. Doleske vell savo rakepen dran tiro mouy.

Gosewe laba 19:3

O mensheskro dinlepen anell les ap i drom, kay nashrell lo pes. Oun palle dell lo o baro Debleste i doosh.

Sikepaskro 4:4

Oun me dikom, har marenn pen i menshe tele oun krenn lači boudi, te venn le feteder har kol vavar, yaake te zilverenn kolla ap lende. Kova hi ninna či-moldo, oun yaake har te nashals yek pal o dourho, hoy djal pral i phoub.