1. Mose 39:7 - O Debleskro Lab 2024 (Sinte-Manouche)

⁷ Ko dives vas, kay leskro rayeskri romni kamas les oun penas: “Čip tout pash mande!”

O Debleskro Drom 2021 (Sinte)

⁷ Ko diwes was, kai leskro rajeskri romni kamas les un penas: “Tchip tut pash mande!”

1. Mose 39:7 Referans Kwoze

2. Samuel 13:11

Oun har yoy kova pash leste anas, te rhal lo, tapras yob i Tamar, oun penas ap late: “Ab, miri pheen! Čip tout pash mande!”

2. Petro 2:14

An lengre yaka dikeh, kay dikenn le pal haki djouvyate. Hako tsiro hi len bok pal čilačo koova. Oun yon anenn kolen o čačo dromestar tele, kay hi gar zorelo an o patsepen. Lengro dji hi pherdi bok pal i love. Praasedo hi le!

Ezekiel 16:34

Yaake kral vavarčandes har i vavar loubya: Touke nashas kek palla. Oun kek das tout love. Tou playsral len! Yaake kral vavarčandes har vavar loubya krenn.

1. Johanni 2:16

Pash i menshende ap kay phoub djal lauter pal yek koova: rhapen oun pipen, romedinepen oun khelepen, bravlepen oun sharepen. Kova lauter vell gar o Deblestar, maro dadestar. Kova lauter hi phoubyakro koova.

Mateo 5:28

Me penau t'menge: Koon ap i vavareskri romyate dikella, te sovell lo lah, kova rhorhras peskri romyat an peskro dji.

Ezekiel 16:32

Tou hal har i djouvel, kay rhorhras peskro romes, oun soval vavar morshentsa oun gar tiro romeha.

Hiob 31:1

Me djom i sovel mire yakentsa dren, te dikap gar loubekanes i terni čake palla.

Ezekiel 16:25

Oun kote kay i dromma khetne venn, kral mangepaskre platse oun kral te vas tiro shoukapen čadepaske. Oun soval hakeneha, kay vas touke ap o drom. Oun tiro loubyengro koova vas boudeder oun boudeder.

Jeremia 3:3

Doleske dell kek brishin an o vend, vitar gar an o niyal. Tou dikeh vin har i loubni oun kameh tout gar te ladjell.

Gosewe laba 7:13

Oun yoy taprell ko terno morshes, čoumrell les, dikell leske an i yaka oun penell ap leste:

Gosewe laba 5:9

Te kreh tou kova gar, nay vell kova yaake, te boudreh i vavarenge, oun deh tire feteder bersha kolende, kolen kek dji touke hi.

Gosewe laba 2:16

Ma kre har yon, te peress gar dren ap i shoukar laba i djouvyatar kay i vavareskri romni hi,

Debleskri gili 119:37

Kre, te dikap gar ap kova, hoy či moldo hi, oun de man pale nevi zoor ap tiro drom!

1. Mose 6:2

Koy dikan i Debleskre čave, har shoukar i menshengre ča hi. Oun yon lan penge kolen, kay yon kaman, te romedinerenn yon len.

Gosewe laba 1:10

I čilače, te penenn le: Dik, hoy krah! Palle dja gar koy!

Gosewe laba 6:26

Tou djineh, i loubyake hounte dess gar boudeder har yek maro. I romyake i vavar morshestar hounte dess tiro djipen.