1. Mose 38:9 - O Debleskro Lab 2024 (Sinte-Manouche)

⁹ O Onan djinas, kay kol čave gar leskre hi. Doleske kras yob yaake, kay peskro phraleskri romni gar an vavar koova vella, hako kopo har vas lo lah khetne. Yob kamas gar, te vell i čavo leskro phraleske boldo.

O Debleskro Drom 2021 (Sinte)

⁹ O Onan djinas, kai kol tchawe gar leskre hi. Doleske kras job jaake, kai peskro phraleskri romni gar an wawar koowa wella, hako kopo har was lo lah khetne. Job kamas gar, te well i tchawo leskro phraleske boldo.

1. Mose 38:9 Referans Kwoze

Jakobo 4:5

O Debleskro lab penell gar čičeske: O Debleskro Dourho, kay an mende khere hi, kamell men peske kokres.

Jakobo 3:16

Kote, kay i menshe zilverenna, oun hadenn pen pre pral i vavarende, kote hi čingepen oun hako čilačo koova.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

Jakobo 3:14

Te zilverenn t'mer oun hadenn t'men pre pral i vavarende, ma penenn, kay han gosevo! Kova vals i rhorhepen oun gar o čačepen.

Gosewe laba 27:4

I rholi hi divyo oun zorelo har i zorelo pani, hoy lauter peha krik tserdell. Koon nay ačell tardo te zilverell i morsh?

Hiob 5:2

Koon rhoyrell pes pral halauter, hi dinelo. Leskri rholi tassrell les. Koon peskri rholi gar pale rikrell, hi narvelo. Yob merell ap peskri rholi.

Ruth 4:10

Oun ninna lom me i Ruth dran o them Moab, kolakro rom o Malon his, te vell li miri romni oun anell leske i čavo ap i phoub. Yaake ačell ko kotar phoub an leskri familya, oun leskro lab merell gar vin mank peskre phralende oun an kava foro. Oun t'mer shounan oun dikan kova oun djinenn, yaake hi kova.”

5. Mose 25:6

Oun ko ersto čavo, koles yoy ap i phoub anell, kharell har ko phraal, kay meras, yaake te merell koleskro lab gar vin an Israel.

Ruth 1:11

I Naomi penas: “Djan khere, mire ča! Hoske kamenn t'mer mantsa te djal? Me hom bouder gar terni doha, te lap čave, te nay vans le t'mare romma.

1. Mose 38:10

Oun kova, hoy yob kras, his čilačo an o baro Debleskre yaka. Oun yob moukas les ninna te merell.

5. Mose 25:5

Te djivenn phrala khetne, oun yek lendar merella, oun koles his kek morsh čave, palle hounte djal leskro phraal pash leskri romyate oun romedinerell lat, oun kek vavar morsh.