1. Mose 37:29 - O Debleskro Lab 2024 (Sinte-Manouche)

²⁹ Har vas o Ruben pale pash i grouba oun dikas, kay o Yosef bouder gar dren his, kras yob peskre ripya paash i doukatar.

O Debleskro Drom 2021 (Sinte)

²⁹ Har was o Ruben pale pash i gruba un dikas, kai o Josef buder gar dren his, kras job peskre ripja paash i dukatar.

1. Mose 37:29 Referans Kwoze

Hiob 1:20

Kote stas o Hiob pre, oun zoryah tserdas lo peskre pralstoune koola pestar tele, oun kras len paash, yaake boud doukas leskro dji. Yob činas peskre balla tele, moukas pes ap i phoub te perell oun mangas o Debles an.

1. Mose 37:34

Oun o Yakob kras peskre ripya paash i doukatar. Oun čivas i gono troul peste oun rovas i rah tsiro pral peskro čaveste.

4. Mose 14:6

Oun o Yosua, koleskro dad o Noun his, oun o Kaleb, koleskro dad o Yefunne his, his douy kolendar, kay pen an o them trouyel dikan. Yon kran pengre koola an kotya i rholyatar,

1. Mose 44:13

Koy kran le pengre koola an kotya i doukatar. Oun hadan pengre gone pale ap i bourike oun djan pale an o foro.

Bičepangre 14:14

Har o Barnabas oun o Paulo kova shounan, kran le pengre ripya paash oun stan mashkral kol menshende, oun dan gole:

Joel 2:13

Tserdenn t'mare djia an kotya oun gar t'mare ripya!” Oun djan pale pash t'maro baro Debleste! Les hi i baro dji, pherdo kamlepen. Yob vell gar sik rhoyedo. Leskro lačepen hi baro. Oun koy phagi, hoy kamas lo te dell, lell lo pale.

2. Rajengro liil 19:1

Har o baro ray Hiskiya kova shounas, kras lo peskre koola paash oun rivas i gono ap peste, oun djas an o baro Debleskro kheer.

Čačepangre 11:35

Oun har yob lat dikas, kote tserdas lo i koola pestar tele, oun penas: “Ah miri čay, havi bari douk kreh tou mange! Miro dji rovell touke! Me dom o baro Debleste miro lab, oun nay lau les gar bouder pale.”

1. Mose 34:13

Koy rakran o Yakobeskre čave rhorhepah kol douy morshentsa, o Sichem oun leskro dadeha Hamor doleske, kay tapras o Sichem lengri phenyat i zoryah an. Oun yon penan:

2. Samuel 1:11

Koy tapras o David ap peskre koola, oun kras len paash i doukatar. Oun kol morsha, kay pash leste his, kran kova ninna yaake.

2. Samuel 13:19

Oun yoy rissras o ripen an kotya dran doukatar, vitsras čik ap peskro shero, čivas peskro vast ap o shero, oun djas peske i zorelo ropah.

2. Rajengro liil 5:7

Oun har o baro ray pral Israel ko liil draveras, tserdas yob i koola pestar tele oun penas: “Hom me o Devel, kay nay marau oun krau djido? O baro ray pral Syria bičrell kava morshes pash mande, te krap les sasto oun lap ko nasslepen ap leskro mass lestar krik. T'mer dikenn, har rodell yob čingepen mantsa!”

2. Rajengro liil 11:14

Oun dikas o nevo baro rayes kote tardo, kay i platsa o baro rayeske his: pash i bari lengsto bar. Oun troul leste his i pralstoune lourde oun i phourdepangre tarde. Oun i tsele menshe ko themestar his barhtelo oun phourdan an pengre bashepangre. I Atalya tserdas peskre ripya an kotya oun das gole: “Phoukepen, Phoukepen!”

Jeremia 36:24

Kek kolendar, kay shounan kol laba, las traash oun sikras, kay kol laba leske an o dji djan, gar o baro ray oun vitar gar kol pralstoune pash leste.