1. Mose 37:28 - O Debleskro Lab 2024 (Sinte-Manouche)

²⁸ Har i parepangre dran o them Midian pashel van, tserdan les o Yosefeskre phrala dran i grouba vin, oun bikran les ap i Ismaelarya, oun lan lendar biish roupene kotya. Oun yon anan o Yosefes an o them Egiptia.

O Debleskro Drom 2021 (Sinte)

²⁸ Har i parepangre dran o them Midian pashel wan, tserdan les o Josefeskre phrala dran i gruba win, un bikran les ap i Ismaelarja, un lan lendar biish rupene kotja. Un jon anan o Josefes an o them Egiptia.

1. Mose 37:28 Referans Kwoze

Bičepangre 7:9

Mare phoure dada zilveran ap o Yosefeste, oun bikran les an o them Egiptia. Oun o Devel his pash leste,

Debleskri gili 105:17

[Oun yon djan an o them Egiptia.] Glan lende bičras lo i morshes. Kova his o Yosef. Yob vas i ginlo boudepaskro.

1. Mose 25:2

Oun yoy anas leske čaven ap i phoub. Kolengre laba hi: Simran, Yokshan, Medan oun Midian, Yishbak oun Shoua.

Mateo 26:15

oun poučas lendar: “Kitse love denn man t'mer, te dau les an t'mare vasta?” Oun yon dan les triyanda roupene beme.

1. Mose 37:36

Oun i parepangre dran o them Midian bikran o Yosefes an o them Egiptia ap yekeste kol rayendar, kay an o baro rayeskro kheer hi. Leskro lab his Potifar. Yob his o pralstouno kolendar, kay denn garda ap o baro rayeste pral o them Egiptia.

1. Mose 37:25

Palle beshan pen le tele oun rhan. Dour glan lende dikan le Ismaelarya. Kolla van dran ko them Gilead oun djan an o them Egiptia. Len his khamele. Kolla hidjran kouč roukengro djet, hoy soungella mishto.

Mateo 27:9

Oun yaake vas kova čačo, hoy o Debleskro rakepaskro Yeremia glan i rah tsiro penas: Yon lan i triyanda roupene beme. Kova his kol love, kay i Israeleskre menshe vin kran, te playsrenn le leske. Kol loventsa ginan le i kotar them kolestar, kay krell pirya dran lolo čik, yaake har o Devel mange kova penas.

Jesaja 60:6

Boud khamele čakrenn tiro them, terne khamele dran Midian oun Efa. Kolla anenna sonakay oun soungepaskro koova dran Saba. Oun i menshe sharenn o baro Debles.

Debleskri gili 83:9

Ninna o Assour čivas pes ap lengri rig. Yon van yek moussi i menshentsa, kay venna pal o Lot.

Čačepangre 8:24

Oun o Gideon penas pale ap lende: “Yek kamau t'mendar te mangell: Denn man kol kanengre, hoy lan kolendar, kay kouran t'men lentsa!” Kolla his Ismaelarya oun doleske his len sonakangre kanengre.

Čačepangre 8:22

Oun i morsha dran o Israel, penan ap o Gideon: “Ab tou maro ray! Tou oun tire čave oun kolengre čave venn ray pral mende! Tou lal men dran i vasta kolendar dran o them Midian vin.”

4. Mose 25:17

“Djan ap i Midianarya oun marenn len!

4. Mose 25:15

Koy djouvel dran Midian, kay ninna moulo dino vas, kharas Kosbi. Lakro dad his o Sur. Kova his o pralstouno i bari familyatar mank kol Midianarya.

2. Mose 2:16

O rashay an ko them Midian his efta ča. Kolla van pash i brounna, te denn le pengro dadeskre bakre oun bouzya pani te piyell.

1. Mose 39:1

I Ismaelarya anan o Yosefes an o them Egiptia. Kote ginas les lendar i Egiptari. Leskro lab his Potifar. Kova his yek kol rayendar, kay an o kheer o baro rayestar pral o them Egiptia hi. Yob his ninna o pralstouno i lourdendar, kay denn garda ap o baro rayeste.

1. Mose 50:15

Har o Yosefeskre phrala dikan, kay lengro dad moulo his, penan le: “Hoy krah mer, te hi o Yosef menge čilačo oun dell men o čilačepen pale, hoy mer ap leste kram?”

1. Mose 40:15

Hom čoredo dran o them, kay djivenn i Hebrearya. Oun kate krom me vitar či, kay hounte djap an o stilepen.”

2. Mose 21:16

Kova, kay čoras i menshes, hounte merell. Te bikras lo les, oder te hatsenn le les pash leste, kova hi yek. Yob hounte merell.

3. Mose 27:5

I čaveske mashkral 5 (panč) oun 20 (biish) bersha venn 20 (biish) roupene beme playsedo, i čake an o emligo phourepen 10 (deesh) roupene beme.

Jeremia 38:13

Oun yon tserdan les kol doryentsa pre dran koy brounna. Oun yob ačas ap i lourdengri platsa.