1. Mose 36:15 - O Debleskro Lab 2024 (Sinte-Manouche)

^15-16 Oun kolla hi i raya, kay venna o Esaeskre čavendar: Leskro phoureder čavestar, o Elifas, venna o ray Teman, o ray Omar, o ray Zefo, o ray Kenas, o ray Korah, o ray Gatam, o ray Amalek. Kolla hi i raya, kay venna pal o Elifas an o them Edom. Lengri mami hi i Ada.

O Debleskro Drom 2021 (Sinte)

^15-16 Un kolla hi i raja, kai wenna o Esaeskre tchawendar: Leskro phureder tchawestar, o Elifas, wenna o rai Teman, o rai Omar, o rai Zefo, o rai Kenas, o rai Korach, o rai Gatam, o rai Amalek. Kolla hi i raja, kai wenna pal o Elifas an o them Edom. Lengri mami hi i Ada.

1. Mose 36:15 Referans Kwoze

Obadja 1:9

Oun i zorele kourepangre an o foro Teman lenn bari daar. Doleske vell hakeno ap i berge Esau maredo.

Hiob 2:11

O Hiobes his triin mala. Har shounan yon foun koy bibarht, hoy vas pral o Hiob, van le pash leste khetne, hakeno foun kotar, kay yob djivell: O Elifas dran o foro Teman, o Bildad dran o them Shoua, o Sofar dran o them Naama. Oun yon kran penge vin, te djan le pash leste, te sikrenn le leste, har khaytell lo len, oun te penenn le leske lače laba.

Habakuk 3:3

O Devel vell dran o them Teman, dran kol berge, hoy kharenn Paran. O bolepen hi pherdo leskro raylepen. Oun ap i tseli phoub sharenn les i menshe.

Amos 1:12

Me bičrau i yag an o foro Teman, oun rhačrau i zorele khera tele an o foro Bozra.

Ezekiel 25:13

Doleske penau me, o baro Devel, t'maro ray: Me hadau miro vast, te dap o them Edom peskri phagi. Menshe oun firhe venn moulo dino. Kek ačell djido an o tselo them mank kol forya Teman oun Dedan. I tsele menshe merenn an o kourepen.

Jeremia 49:20

Shounenn, hoy o baro Devel peske glan las, te krell lo ap i Edomarya, oun hoy kamell lo te krell i menshentsa an o foro Teman. Čačepah, yon halauter venn krik tradedo har bakre, ninna lengre tikne čave venn krik tserdedo. Hakeneske, kay dikell kova, ačell o rakepen krik.

Jeremia 49:7

Laba pral i Edomarya. Kava penell o baro Devel, ko ray pral o bolepen oun i phoub: Hi kanna bouder kek gosvepen an o foro Teman? Djinenn i goseve bouder gar, hoy te krenn le? Tserdas pes o gosvepen lendar krik?

Debleskri gili 37:35

Me dikom i čilačes, kay hadas pes pral i vavarende, oun kras pes bourhlo har i baro zorelo rouk.

Hiob 21:8

Lengre čave djivenn troul lende trouyel. Oun yon dikenn, har lengre čavengre čave baro venn.

Hiob 4:1

Oun o Elifas dran o foro Teman penas ap leste:

1. Familjakro liil 1:45

Har o Yobab meras, vas pal leste o Housham o ray dran o them Teman.

2. Mose 15:15

I bare raya an o them Edom trashan, oun kol zorele raya an o them Moab trissan. I tsele menshe an o them Kanaan daran, ava, lauteren tapras i daar.

1. Mose 36:18

Oun kolla hi i čave o Esaeskri romyatar Oholibama: o ray Yehoush, o ray Yalam oun o ray Korah. Kolla hi i raya, kolengri day o Esaeskri romni Oholibama hi, kolakro dad o Ana hi.

1. Mose 36:4

I Ada anas o Elifas ap i phoub. I Basmat anas o Regouel ap i phoub.

1. Mose 36:14

Oun kolla hi i čave o Esaeskri romyatar Oholibama: o Yehoush, o Yalam, o Korah. I Oholibama hi i čay ko morshestar Ana, leskro dad hi o Sibeon.