1. Mose 35:7 - O Debleskro Lab 2024 (Sinte-Manouche)

⁷ Har o Yakob peskro phralestar krik nashas, moukas pes o Devel kote lestar te dikell. Doleske kras yob kote i rhačepaskri o Debleske, kay venn firhe leske rhačedo. Oun das koy platsa ko lab El-Betel.

O Debleskro Drom 2021 (Sinte)

⁷ Har o Jakob peskro phralestar krik nashas, mukas pes o Dewel kote lestar te dikell. Doleske kras job kote i chatchepaskri o Debleske, kai wenn vieche leske chatchedo. Un das koi platsa ko lab ‘El-Betel’.

1. Mose 35:7 Referans Kwoze

1. Mose 35:3

Avenn, djas an o foro Betel. Kote krau i rhačepaskri o Debleske, kay shounas man ap ko dives, kay an i bibarht homs. Ko Devel his pash mande ap miro drom bis kanna.”

1. Mose 35:1

Oun o Devel penas ap o Yakobeste: “Kre tout ap o drom, dja an o foro Betel! Ač kote oun kre kote i rhačepaskri, te rhačress mange firhen. Me hom ko Devel, kay moukas pes toutar te dikell, har tou tiro phralestar Esau krik nashal.”

1. Mose 28:13

Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

Ezekiel 48:35

Kal star rigya o forestar hi khetne enya (9) kilometarya lengsto. Foun ko tsiro vell o foro kharedo: O baro Devel hi kay!

Čačepangre 6:24

Oun o Gideon čivas kote barra pre, te krell lo i rhačepaskri, kay venn firhe rhačedo o baro Debleske, oun das lat o lab Yahve-Shalom. Gomme kava dives hi koy rhačepaskri kote tardo an o foro Ofra, kay kol menshe djivenn, kay kharenna Abiyesarya.

2. Mose 17:15

Oun o Mose kras i rhačepaskri o Debleske, te venn kote firhe rhačedo o Debleske, oun das koy rhačepaskri o lab O baro Devel krell man zoreles an o kourepen.

1. Mose 28:22

Oun kava bar, hoy čivom pre, kova mou vell i Debleskro kheer. Oun halauterestar, hoy tou man deh, dau me tout o deshto kotar pale.”

1. Mose 28:19

Oun yob das kol platsa ko lab Betel. Glan ko tsiro his o lab ko forestar Louz.

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 12:8

Kotar djas o Abram doureder an i berge pash o foro Betel. Mank kol forya Betel oun Ai čivas yob peskro plarhteno kheer pre. Ko foro Betel hi čiddo ap koy rig, kay o kham tele djala. Oun o foro Ai hi čiddo ap koy rig, kay o kham pre djala. Kote kras yob pale i rhačepaskri o baro Debleske, kay venn firhe leske rhačedo, oun kharas o baro Debles an.

1. Mose 28:10

O Yakob djas dran ko foro Beersheba oun kras pes ap ko drom, kay djal an o them Haran.

1. Mose 28:17

Oun yob daras oun penas: “Har darenes hi kay platsa, – hi čačepah o Debleskro kheer oun o voudar an o bolepen.”

1. Mose 29:1

Oun o Yakob djas doureder oun vas an ko them, kay kote čiddo hi, kay o kham pre djala.

1. Mose 31:13

Me hom o Devel, kay moukas pes toutar te dikell an o foro Betel, kay čival mange i bar pre, čoral djet koy pre oun dal tout sovel ap mande. Kanna ste pre, dja dran kava them! Oun dja khere an ko them tire menshendar!”

1. Mose 35:15

Oun yob das koy platsa ko lab Betel.