1. Mose 35:11 - O Debleskro Lab 2024 (Sinte-Manouche)

¹¹ Oun o Devel penas ap leste: “Me hom o zorelo Devel. Me dau tout boud čave. Yaake boud menshe venna toutar, kay lendar yek bari natsyona oun boud vavar natsyone venna. Ninna bare raya hi mank tire menshende.

O Debleskro Drom 2021 (Sinte)

¹¹ Un o Dewel penas ap leste: “Me hom o sorelo Dewel. Me dau tut bud tchawe. Jaake bud menshe wenna tutar, kai lendar jek bari natsjona un bud wawar natsjone wenna. Ninna bare raja hi mank tire menshende.

1. Mose 35:11 Referans Kwoze

1. Mose 17:1

O Abram his 99 (enya-deesh-te-enya) bersh phouro. Koy moukas pes o baro Devel glan leste te dikell, oun penas ap leste: “Me hom o zorelo Devel. Dja ap miro drom, te hatsap kek čilačepen ap toute!

1. Mose 9:1

Oun o Devel rakras lače laba pral o Noah oun pral leskre čavende vin oun penas: “Anenn boud čaven ap i phoub, te vell i phoub t'mendar pherdo!

2. Korintarja 6:18

Oun me kamau t'maro dad te vell, oun t'mer han mire čave oun mire ča. Kova penell o baro Devel, kay hi o ray pral o bolepen oun i phoub.

2. Mose 6:3

oun sikrom man o Abrahameste oun o Isaakeste oun o Yakobeste. Har vom pash lende, sikrom lende, kay hom o zorelo Devel. Miro lab baro Devel, moukom len gar te djinell.

1. Mose 17:16

Oun me čivau miri zoor oun miri barht ap late. Oun ninna latar dau tout i čaves. Ava, me čivau miri zoor ap late. Yoy vell i day boud menshendar. Latar venna yaake boud menshe, kay lendar natsyone venna. Ninna bare raya pral boud menshende venna latar.”

1. Mose 15:5

Oun o Devel anas les vin oun penas: “Dik an o bolepen! Oun dik i bolepangre momlia! Nay peneh tou, har boud kolla hi? Yaake boud menshe venna toutar.”

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

2. Mose 1:7

Lengre čave lan yaake boud čave, kay vas o them pherdo lendar.

1. Mose 43:14

Oun o zorelo Devel mou krell, te vell o rom t'menge lačo, yaake kay moukell lo t'maro vavar phrales oun o Benyamines t'mentsa pale te djal. Me krau nay či. Nashrau mire čaven, nashrau len!”

1. Mose 32:12

De yak ap mande, te krell miro phraal o Esau mange či! Man hi daar lestar, te vell lo oun marell man, ninna i daya pengre čaventsa.

1. Mose 28:14

Yon venna yaake boud har i čik, hoy ap i phoub hi. Oun krau lengro them baro oun bourhlo ap hake rigya. Oun koy barht, hoy dau toute oun tire čavende, djal doureder ap i tsele menshende, kay ap i phoub hi.

1. Mose 18:18

Me dom les miro lab: Yob vell o dad yaake boud menshendar, te vell lendar i bari oun zoreli natsyona. Oun koy barht, hoy dau leste, djal doureder ap i tsele natsyone, kay ap i phoub hi.

1. Mose 18:14

Dell či, hoy o baro Devel gar hayvella. Vavar bersh an kava tsiro, vau me pale pash toute. Koy hi lat i čavo.”

1. Mose 13:16

Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

1. Mose 46:3

Oun o Devel penas: “Me hom o Devel, ko Devel tiro dadestar. Ma traash te djas an o them Egiptia! Koy krau me, te vess o dad i bari natsyona.

1. Mose 9:7

Anenn čaven ap i phoub, – boud čaven, te vell i phoub t'mendar pherdo!”

1. Mose 17:4

“Shoun, kova hi, hoy me touke krau: Tou veh o dad boud menshendar. Yon venn yaake boud, kay lendar boud natsyone venna.

1. Mose 36:31

Oun kolla hi i bare raya an o them Edom glan ko tsiro, har vas i baro ray pral o them Israel:

1. Mose 47:27

Oun i Israelitarya djivan an o them Egiptia, an o them Gosen, lan boud čave oun van boud boud menshe.

3. Mose 26:42

palle kamau koy sovel, hoy o Yakobeske dom, gar bistrell, vitar gar koy sovel, hoy o Isaakeha dren djom, oun koy sovel, hoy o Abrahameha krom. Oun bistrau gar, te penom lenge, te dap o them lengre čavenge, kay pal lende venna.

1. Familjakro liil 16:17

oun pal leste o Yakobeste, oun das peskro vast pre, te ačell kava lab i Israelenge hako tsireske.

2. Mose 2:24

Oun yob shounas lengri gole, oun bistras gar ko lab, hoy das yob o Abraham, o Isaak, oun o Yakob, te vell lo lengro Devel oun yon peskre menshe.

1. Familjakro liil 16:16

Kova hi ko lab, hoy das lo o Abrahameste, koy sovel, hoy das lo o Isaakeste,

1. Familjakro liil 16:18

Yob penas: “Touke dau kava them Kanaan, kova hi ko them hoy t'menge vell.”