1. Mose 35:1 - O Debleskro Lab 2024 (Sinte-Manouche)

¹ Oun o Devel penas ap o Yakobeste: “Kre tout ap o drom, dja an o foro Betel! Ač kote oun kre kote i rhačepaskri, te rhačress mange firhen. Me hom ko Devel, kay moukas pes toutar te dikell, har tou tiro phralestar Esau krik nashal.”

O Debleskro Drom 2021 (Sinte)

¹ Un o Dewel penas ap o Jakobeste: “Kre tut ap o drom, dja an o foro Betel! Atch kote un kre kote i chatchepaskri, te chatchress mange viechen. Me hom ko Dewel, kai mukas pes tutar te dikell, har tu tiro phralestar Esau krik nashal.”

1. Mose 35:1 Referans Kwoze

1. Mose 31:13

Me hom o Devel, kay moukas pes toutar te dikell an o foro Betel, kay čival mange i bar pre, čoral djet koy pre oun dal tout sovel ap mande. Kanna ste pre, dja dran kava them! Oun dja khere an ko them tire menshendar!”

Hosea 12:4

Har lo an o per peskri datar his, rhorhras lo peskro phrales. Oun har lo i morsh vas, kouras lo pes o Debleha.

Debleskri gili 91:15

Yob dell ap mande gole. Doleske shounau me ap leste, oun hom pash leste, te djal leske gar mishto. Me lau les vin dran i bibarht oun krau les bares.

5. Mose 32:36

Čačepah o baro Devel dell peskre menshende lengro čačepen. Te dikell lo, har leskre boudepangre nashran pengri zoor, khaytenn le les. Te dikell lo, har kek ap lengri rig hi, krell yob peskro dji lenge pre.

1. Mose 35:7

Har o Yakob peskro phralestar krik nashas, moukas pes o Devel kote lestar te dikell. Doleske kras yob kote i rhačepaskri o Debleske, kay venn firhe leske rhačedo. Oun das koy platsa ko lab El-Betel.

1. Mose 31:3

Oun o baro Devel penas ap o Yakobeste: “Dja khere an tiro dadeskro them pash tire menshende! Me hom pash toute.”

Debleskri gili 47:4

Yob vitsras menge i menshen dran vavar themma tel mare pire, oun čivas men pral lende.

2. Mose 2:15

Har o Farao kova shounas, kamas yob o Moses te marell. O Mose nashas an ko them Midian. Kote beshas yob pes pash i brounna.

1. Mose 22:14

O Abraham das koy platsa ko lab O baro Devel dikella. Yaake vell bis kay dives penlo: Ap koy berga, kay o baro Devel dikella.

1. Mose 16:8

Oun o bolepaskro poučas latar: “Hagar, tou i Sarayakri boudepaskretsa, kay veh tou oun kay djah tou?” Penas yoy: “Me nashom mange miri ranyatar Saray.”

1. Mose 12:8

Kotar djas o Abram doureder an i berge pash o foro Betel. Mank kol forya Betel oun Ai čivas yob peskro plarhteno kheer pre. Ko foro Betel hi čiddo ap koy rig, kay o kham tele djala. Oun o foro Ai hi čiddo ap koy rig, kay o kham pre djala. Kote kras yob pale i rhačepaskri o baro Debleske, kay venn firhe leske rhačedo, oun kharas o baro Debles an.

Debleskri gili 46:1

I gili yekestar, kay hi dran i familya Korah. Kay gili hi o rayeske pral i gipangre, te givell lo lat har koy gili terne ča.

1. Mose 34:31

Penan kol douy ap leste: “Yob las mari phenyat, har te vals yoy i loubni. Oun mer te kras či?”

1. Samuel 10:3

Te djah tou kotar doureder, palle veh pash ko baro rouk Tabor. Kote venn triin morsha, kay ap o drom hi, te djan le pre an Betel, te mangenn le o Debles an. Ko yek hidjrella triin terne bouzya, ko vavar triin mare, oun ko triinto hidjrella yek molyakro gono.

1. Mose 29:1

Oun o Yakob djas doureder oun vas an ko them, kay kote čiddo hi, kay o kham pre djala.

1. Mose 35:15

Oun yob das koy platsa ko lab Betel.