1. Mose 33:14 - O Debleskro Lab 2024 (Sinte-Manouche)

¹⁴ Miro ray, dja touke glan vin. Oun me djau i firhentsa oun i čaventsa pal toute, yaake sik har djala, bis te vau pash toute, miro ray, an o them Seir.”

O Debleskro Drom 2021 (Sinte)

¹⁴ Miro rai, dja tuke glan win. Un me djau i viechentsa un i tchawentsa pal tute, jaake sik har djala, bis te wau pash tute, miro rai, an o them Seir.”

1. Mose 33:14 Referans Kwoze

Jesaja 40:11

Yob dell yak ap lende har i bakrengro dell yak ap peskre bakre oun dell len te rhal, oun lell i terne bakren an peskre moussya, oun hidjrell len an peskri baya. Oun kolla, kay len terne hi, lenge djal lo lačes trouyel.

1. Mose 32:3

Har o Yakob len dikas, penas lo: “Kate hi o Debleskri platsa.” Oun das koy platsa ko lab: Mahanayim.

Remarja 15:1

Mer, kay ham zorelo an o patsepen, hounte dikas ap kolende, kay hi gar zorelo an o patsepen, te hidjras mer lentsa, hoy lenge pharo hi. Mer hounte dikas gar ap mende kokres, te djal menge mishto.

Markus 4:33

Oun o Yezous penas lenge boud save laba, kay i khatedo čačepen dren hi. Yob penas lenge o Debleskro lab yaake, har yon nay hayvan kova.

Ezekiel 25:8

Kava penell o baro Devel, maro ray: I menshe dran i themma Moab oun Edom penenn: O kheer Youda hi yaake har hake vavar natsyone.

2. Familjakro liil 20:10

Kanna dik! O Ammonarya, oun o Moabarya oun kolla dran i berge Seir, kamenn pen mentsa te kourell. Har mare phoure van dran o them Egiptia vin, moukal len gar an kal themma te djal. Yaake djan le troul kal themma trouyel oun maran len gar.

Čačepangre 5:4

Baro Devel, har tou tele val dran o them Seir, har tou val dran o them Edom, kote trissas i phoub, oun brishin vas dran o bolepen, boud pani ap i phoub.

5. Mose 2:1

Koy pre stam pre oun rissram men oun djam pale an o moulo tato them ap o drom, hoy djal pash o Baro Lolo Pani, yaake har o baro Devel kova mange penas. I rah tsiro nasham troul kol berge Seir.

1. Korintarja 3:2

Me dom t'men thoud te piyell, oun kek mass te rhal. Kova nay dandran t'mer gar. Ninna kanna nay rhan kova gar.

1. Mose 33:13

Penas o Yakob: “Miro ray, tou djineh, kay i čave tikno hi. Pash mande hi ninna groumya oun bakre, kay len terne hi. Te nashens yon hounte yek dives sik, merans i tsele firhe.

1. Mose 32:4

Oun o Yakob bičras morshen glan peste pash peskro phraleste Esau an o them Seir an o them Edom.