1. Mose 32:6 - O Debleskro Lab 2024 (Sinte-Manouche)

⁶ Man hi groumya oun bourike, bakre oun bouzya, oun boudepangre: morsha oun djouvya. Bičrau kal morshen, te penenn le kova touke, miro rayeske, te vess lačo ap mande.”

O Debleskro Drom 2021 (Sinte)

⁶ Man hi grumja un burike, bakre un busja, un budepangre: mursha un djuwja. Bitchrau kal murshen, te penenn le kowa tuke, miro rajeske, te wess latcho ap mande.’”

1. Mose 32:6 Referans Kwoze

1. Mose 33:1

Oun o Yakob dikas dour glan peste oun dikas, kay vas o Esau pash leste. Khetne leha van star sheel morsha. Koy čivas o Yakob peskre čaven pash lengre dayende: pash i Lea, pash i Rachel oun pash kol douy boudepangre.

Amos 5:19

Kova hi har te nashals yek peske glan o levo, oun i vavar baro divyo firho taprals les. Yob khatrell pes an i kheer, čivell peskro vast ap i vanta, oun i sap dandrell les.

1. Mose 32:11

Me, tiro boudepaskro, hom gar moldo, kay hal yaake lačo oun kamlo ap mande. Har djom pral o pani Yordan, his man či har i kasht an o vast. Kanna hi man i bari familya oun kal boud firhe, kay hi ap douy bare platse.

1. Mose 32:8

Koy trashas o Yakob. Oun les his bari daar. Oun yob bičras i paash leskre boudepangrendar, leskre bakrendar, groumyendar oun khamele ap yek rig. Oun koy vavar paash bičras lo ap i vavar rig.

1. Mose 32:7

I morsha van pale pash o Yakobeste oun penan ap leste: “Mer hams pash tiro phraleste Esau. Yob hi ap o drom te vell lo pash toute. Star-sheel morsha hi pash leste.”

1. Mose 31:18

oun tradas peskre tsele firhen glan peste. Ninna las lo peskro tselo bravlepen, hoy yob kras peske khetne an o them Paddan-Aram, te djal lo pash peskro dadeste Isaak an o them Kanaan.

1. Mose 33:8

“Hoy kameh tou kol tsele firhentsa, hoy pash mande van?” poučas o Esau. “Kamau te dap len toute, te vess mange lačo, miro ray”, penas o Yakob.

1. Mose 33:15

Penas o Esau ap leste: “Me kamau mire morshendar pash toute moukell.” “Hoske?” poučas o Yakob. “Mange hi doha, kay tou, miro ray, mange lačo hal.”

1. Mose 34:11

Oun o Sichem penas ap o Yakobeste oun ap leskre čavende: “Avenn mange lačo oun penenn mange, hoy te dap t'men! Me dau t'men, hoy t'mer mandar kamenna.

1. Mose 47:25

Penan yon: “Tou kral, kay meram gar. Ab menge lačo oun le men, te vas mer boudepangre o baro rayeske!”

Ruth 2:2

His i dives, koy penas i Ruth ap i Naomi: “Me kamau ap i harhetikri phoub te djal oun djob pre te hadell, hoy čiddo ačas. Djau pash yekeste, kay lačo hi ap mande oun moukell man kova te krell.” Oun i Naomi penas: “Dja miri čay!”

Ruth 2:13

Yoy penas leske: “Tou hal yaake lačo ap mande, miro ray! Tou rakral lačes ap mande oun kral miro dji pale zoreles, ninna te hom me kek kol djouvyendar, kay touke boudrenna.”

1. Samuel 1:18

Oun yoy penas: “Mou dikenn tire yaka kamles ap mande!” Oun koy djouvel djas peskro drom, oun rhas, oun dikas bouder gar yaake phagedo vin har glan kova.