1. Mose 32:4 - O Debleskro Lab 2024 (Sinte-Manouche)

⁴ Oun o Yakob bičras morshen glan peste pash peskro phraleste Esau an o them Seir an o them Edom.

O Debleskro Drom 2021 (Sinte)

⁴ Un o Jakob bitchras murshen glan peste pash peskro phraleste Esau an o them Seir an o them Edom.

1. Mose 32:4 Referans Kwoze

1. Petro 3:6

Yek lendar hi i Sara. Yoy shounas ap o Abrahameste, oun penas ap leste Ray. Te krenn t'mer, hoy lačo hi, oun te moukenn t'men kekestar daar te krell, palle han t'mer har lakre ča.

Louka 14:11

Koon pes baro krella, koles sharell o Devel gar. Koon pes gar baro krella, oun penella: Me molau či, koles krell o Devel baro.”

Sikepaskro 10:4

Te vell o rayeskri rholi pral toute, palle ma dja toutar; yek kay hayvell te rikrell lo pes pale, rakrell yaake, te djal i rholi krik.

Gosewe laba 15:1

I kamlo lab krell te djal o vavareskri rholi pale. I lab, hoy o vavares doukrell, krell les rhoyedo.

Gosewe laba 6:3

Palle hal tou an o vavareskro vast, miro čavo. Kanna kre lauter, te vess pale vin! Dja pash leste, rake ap leste dren! Mouk gar tele, te mangess lestar, te moukell lo tout vin.

1. Rajengro liil 20:32

Yaake pandan le gone troul pende oun čivan dorya troul lengre menya, djan pash o baro rayeste pral Israel, oun penan: “Tiro boudepaskro, o Ben-Hadad, penell: Mouk mange miro djipen!” Kote poučas yob: “Hi lo gomme djido? Miro phraal hi yob.”

1. Samuel 26:17

Oun o Saul shounas oun hayvas, te hi o David, koon kote gole das, oun penas: “Hal tou kova, miro čavo David?” O David penas: “Ava, me hom les, miro ray oun pralstouno!”

2. Mose 32:22

O Aron penas: “Am gar rhoyedo, mo ray! Tou djineh kokres, kay kol menshe čilačo hi.

1. Mose 33:8

“Hoy kameh tou kol tsele firhentsa, hoy pash mande van?” poučas o Esau. “Kamau te dap len toute, te vess mange lačo, miro ray”, penas o Yakob.

1. Mose 32:18

Ap o glanstuneste penas lo: “Te dikell miro phraal Esau tout oun poučell toutar: Koon hi tiro ray? Kay djah tou? Kones hi kol firhe?

1. Mose 32:5

Ap lende penas yob: Penenn miro rayeske Esau: “Yaake penell tiro boudepaskro Yakob: Me homs o tselo tsiro pash o Laban oun vau kanna pale.

1. Mose 27:37

Koy penas o Isaak ap o Esau: “Shoun, me krom, kay yob o ray pral toute hi. Oun leskre tsele phralen krom, te venn yon leskre boudepangre. Dom les ninna djob oun mool. Hoy nay krau kanna touke, miro čavo?”

1. Mose 27:29

Menshe dran vavar themma hounte boudrenn touke oun vitsrenn pen tele glan toute. Vess ray pral tire phralende. Oun tiri dakre čave hounte vitsrenn pen tele glan toute. Kolla kay penenna, te vell tout bibarht, ap kolende vell bibarht. Oun kolla, kay penenna, te vell tout barht, ap kolende vell barht.

1. Mose 23:6

“Shoun ap mende, maro ray: Tou hal i Debleskro morsh mashkral mende. Paske tiri mouli romyat an o feteder moulengro kheer, hoy men hi. Hakeno mendar dals tout i kotar them, te paskress tiri romyat koy.”

1. Mose 4:7

Kova hi yaake: Te kreh, hoy mishto hi, nay dikeh tou i menshen an i yaka. Te kreh, hoy gar mishto hi, hi o čilačepen gar dour toutar, oun kamell ray pral toute te vell. Tou hounte vess ray pral o čilačepen.”

1. Mose 31:41

Biish bersha his kova yaake. Deesh-te-star bersha boudrom touke, te lap tire douy čen. Shob bersha boudrom tire firhenge. Deesh kope kral tou miro playsepen vavarčandes.

Gosewe laba 25:15

Boud lače labentsa nay tserdeh pralstunen ap tiri rig. Oun i kamlo rakepen phagella kokale khetne.

1. Mose 25:30

Koy penas o Esau ap o Yakobeste: “Mouk man sik te rhal ko lolo rhapastar. Hom khino oun man hi bari bok.” Doleske dan le les ko lab Edom.

1. Mose 33:14

Miro ray, dja touke glan vin. Oun me djau i firhentsa oun i čaventsa pal toute, yaake sik har djala, bis te vau pash toute, miro ray, an o them Seir.”

1. Mose 36:8

Oun o Esau, djivas ap o pralstouno them, hoy kharella Seir. O Esau hi o Edom.

1. Mose 36:9

Kolla hi i laba kol menshendar, kay venna pal o Esau. Yon hi i Edomarya, kay djivan ap o pralstouno them Seir:

Čačepangre 5:4

Baro Devel, har tou tele val dran o them Seir, har tou val dran o them Edom, kote trissas i phoub, oun brishin vas dran o bolepen, boud pani ap i phoub.

Jesaja 21:11

Kate sikrell o Devel, hoy pral o them Edom vella. Dran o them Seir denn le ap mande gole oun poučenn: “Tou, kay yak deh, har dour hi an i rat? Kaana hi i rat trouyel?”