1. Mose 30:43 - O Debleskro Lab 2024 (Sinte-Manouche)

⁴³ Yaake vas o Yakob hako dives bravleder. Oun les his boud firhe oun boudepangre: djouvya oun morsha. Ninna boud khamele oun bourike his les.

O Debleskro Drom 2021 (Sinte)

⁴³ Jaake was o Jakob hako diwes brawleder. Un les his bud vieche un budepangre: djuwja un mursha. Ninna bud khamele un burike his les.

1. Mose 30:43 Referans Kwoze

1. Mose 30:30

Har vom pash toute, his tout gar boud firhe. Kanna hi tout boud. O baro Devel čivas peskri zoor oun peskri barht ap tiro koova – ap halauter, hoy lom an miro vast. Kanna hounte boudrap ninna mange oun miri familyake.”

1. Mose 24:35

O baro Devel čivas bari zoor oun boud barht ap miro ray. Yaake vas yob bravelo. O Devel das les bakre oun groumya, roup oun sonakay, boudepangre: morsha oun djouvya, ninna khamele oun bourike.

1. Mose 13:2

O Abram his bravelo: Les his boud firhe, roup oun sonakay.

Sikepaskro 2:7

Me ginom mange boudepangren, morshen oun djouvyen. Oun man his ninna boudepangre, kay van boldo an miro kheer. Man his boudeder groumya oun bakre har halauter, kay glan mande i bare raya an o foro Yerusalem his.

1. Mose 33:11

Le kova, hoy touke bičrom. O Devel das man halauter. Oun man hi doha.” Oun yob moukas gar tele te mangell lo les, bis te las o Esau kova.

1. Mose 32:10

Oun o Yakob penas ap o Debleste: “Tou, o Devel miro papestar Abraham oun miro dadestar Isaak, tou hal o baro Devel, kay penal ap mande: Dja pale an tiro them oun pash tire menshende. Me krau touke lačepen.

1. Mose 28:15

Tou djiness, me hom touha oun dau garda ap toute, kote, kay tou djah. Oun anau tout pale an kava them. Me moukau tout gar, bis te krom halauter, hoy touke penom.”

1. Mose 12:16

Oun doleske kras o baro ray o Abrameske lačepen. Oun o Abram las bakre, groumya, bourike, khamele oun boudepangre: morsha oun djouvya.

Ezekiel 39:10

Oun yon hounte lenn bouder kek kasht an o veesh khetne, vitar gar hounte denn le rouka tele, te vell len yagakro kasht. Na-a, kol karmangre lenn le oun krenn lentsa pengri yag. Oun yon randenn kolen vin, kay kaman len vin te randell. Kolla, kay kaman pash lende te čorell, venn kanna lendar vin čoredo. Kava penell o baro Devel, maro ray.

1. Mose 31:42

O Devel miro dadestar, kay ninna o Abrahameskro Devel hi, oun kolestar trashell miro dad Isaak, te vals ko Devel gar ap miri rig, čačepah, moukals man čorveles te djal. O Devel dikas, har marom man touke tele oun har pharo miri boudi his. Doleske his yob taysar rati ap miri rig tardo.”

1. Mose 36:7

Kova, hoy kol douyen his, his yaake boud, kay nashte djivenn le gar an yek them. An ko them his gar doha rhapaske lengre boud firhenge.

Louka 12:45

“Ko boudepaskro, te penell lo ap peste: Miro ray vell gar yaake sik pale, oun yob dell kol vavar boudepangren dava, oun rhal oun piyell pes mato,

1. Mose 30:42

Kol firhe, kay gar zorelo his, glan kolende čivas yob kek kashta. Yaake van o Labaneske kolla boldo, kay gar zorelo his. O Yakobes van i zorele.

1. Mose 31:1

Oun o Yakob shounas, hoy o Labaneskre čave pal leste rakran oun penan: “O Yakob las peske halauter, hoy maro dadeskro his. Kova, hoy maro dadeskro his, kolestar vas lo yaake bravelo.”

1. Mose 32:5

Ap lende penas yob: Penenn miro rayeske Esau: “Yaake penell tiro boudepaskro Yakob: Me homs o tselo tsiro pash o Laban oun vau kanna pale.

1. Mose 32:14

Oun o Yakob ačas i rati koy. Oun las i firhendar, hoy pash leste his, te dell lo len peskro phraleste Esau: