1. Mose 30:1 - O Debleskro Lab 2024 (Sinte-Manouche)

¹ Har i Rachel dikas, kay anas yoy o Yakobeske kek čaven ap i phoub, zilveras yoy ap peskri phenyate, oun penas ap o Yakob: “De man čave! Te deh man kek, merau me.”

O Debleskro Drom 2021 (Sinte)

¹ Har i Rachel dikas, kai anas joi o Jakobeske kek tchawen ap i phub, silweras joi ap peskri phenjate, un penas ap o Jakob: “De man tchawe! Te deh man kek, merau me.”

1. Mose 30:1 Referans Kwoze

Hiob 5:2

Koon rhoyrell pes pral halauter, hi dinelo. Leskri rholi tassrell les. Koon peskri rholi gar pale rikrell, hi narvelo. Yob merell ap peskri rholi.

1. Mose 29:31

Har o baro Devel dikas, kay o Yakob i Lea gar kamas, kras yob, kay i Lea anas nay čaven ap i phoub. I Rachel nay las kek čaven.

1. Mose 37:11

Oun leskre phrala dikan čilače yakentsa ap leste. Leskro dad rikras kol laba an peskro dji.

2. Korintarja 7:10

Te hi yekes ropaske pral peskri doosh, oun o Devel dikell lačes ap leste, anell les kova ap o Debleskro drom, oun o Devel dell les o djipen. Oun kova khaytell kekes. Te hi yekes ropaske pral i phoubyakro koova anell les kova an o merepen.

Jakobo 4:5

O Debleskro lab penell gar čičeske: O Debleskro Dourho, kay an mende khere hi, kamell men peske kokres.

Jakobo 3:14

Te zilverenn t'mer oun hadenn t'men pre pral i vavarende, ma penenn, kay han gosevo! Kova vals i rhorhepen oun gar o čačepen.

1. Korintarja 3:3

T'mer djivenn yaake har te prindjrenn o Yezous Kristes gar. Te hi čingepen mank t'mende, oun te zilverenna, palle djivenna yaake har i menshe, kay prindjrenn o Yezous Kristes gar.

Gosewe laba 14:30

Shoukapen an o dji krell o tselo menshes sasto. I dji, hoy zilverell, hi har i nasslepen, hoy i kokale pre rhal.

Tito 3:3

Glan ko tsiro, kay hams gar patslo, hams ninna save menshe, kay prindjran o čačepen gar. Mer shounam gar ap o Debleste, oun djam gar ap leskro drom. Hams pandlo ap djoungelo koova, hams čilačo oun dikam čilače yakentsa ap kova, hoy i vavaren his. Hams čilačo oun rhoyemen ap i vavarende, oun yon ap mende.

Galatarja 5:21

Yon kamenn kova, hoy o vavares hi. Yon hi pipangre oun rhapangre. Oun boud vavar čilačo koova krenn yon. Me penom t'menge oun penau pale: Koon yaake djivella, vell gar pash o Debleste an o bolepen oun lell gar ko lačo koova, hoy o Debles peskre čavenge hi.

Johanni 4:8

Leskre mala his gar koy. Yon his an o foro, te ginenn le čomone te rhal.

Johanni 4:3

Har o Yezous shounas, hoy pral leste rakedo vas, djas lo dran o them Youdea vin, oun kamas pale an o them Galilea te djal.

Sikepaskro 4:4

Oun me dikom, har marenn pen i menshe tele oun krenn lači boudi, te venn le feteder har kol vavar, yaake te zilverenn kolla ap lende. Kova hi ninna či-moldo, oun yaake har te nashals yek pal o dourho, hoy djal pral i phoub.

Debleskri gili 106:16

Ap lengri platsa hadan le pen pral o Moseste, oun pral o Aroneste, koles o baro Devel peske vin rodas.

Hiob 13:19

Koon hi, kay nay sikrell, te hi i doosh ap mande? Palle kamaus miro mouy te rikrell, oun te merell.

Hiob 3:11

Hoske merom me gar, har boldo vom, har me dran late vin vom?

1. Rajengro liil 19:4

Oun yob djas i dives dour an o moulo them. Oun kote beshas lo pes tel i bourra, oun kamas te merell oun penas: “Kanna hi doha, baro Devel. Mouk man te merell! Me hom gar feteder har mire phoure.”

4. Mose 11:29

O Mose penas ap leste: “Kreh tou kova mange? Me kamoms, te dals o baro Devel peskre tsele menshende peskro dourho, te vans le halauter Debleskre rakepangre, kay leskre laba vin kharenna.”

4. Mose 11:15

Te kameh tou mantsa yaake te krell, palle ab mange lačo oun de man moulo, te dikap gar miri bibarht.”

Gosewe laba 30:16

o moulengro them; o per i djouvyatar, kay lell kek čave; i phoub, kay gar boud brishin dell; oun i yag, hoy gar gole dell Kanna hi doha!.

1. Samuel 1:10

Oun lakro dji rovas, oun yoy mangas o baro Debles oun rovas zoreles ap leste,