1. Mose 29:31 - O Debleskro Lab 2024 (Sinte-Manouche)

³¹ Har o baro Devel dikas, kay o Yakob i Lea gar kamas, kras yob, kay i Lea anas nay čaven ap i phoub. I Rachel nay las kek čaven.

O Debleskro Drom 2021 (Sinte)

³¹ Har o baro Dewel dikas, kai o Jakob i Lea gar kamas, kras job, kai i Lea anas nai tchawen ap i phub. I Rachel nai las kek tchawen.

1. Mose 29:31 Referans Kwoze

Mateo 10:37

Koon kamell peskro dades oun peskri day boudeder har man, hi gar moldo, te vell lo miro maal. Oun koon kamell peskro čaves oun peskri čat boudeder har man, hi gar moldo, te vell lo miro maal.

1. Samuel 2:21

Oun o baro Devel dikas lačes ap i Hanna, oun yoy vas vavarčandes, oun las gomme triin morsh čave, oun douy ča. Oun o Samuel ačas pash o baro Debleste oun vas an leskro kheer bares.

Debleskri gili 127:3

T'mare čaven das o baro Devel t'mende. Hi i kouč koova, te nay lell yek čave.

1. Samuel 1:5

I Hannat das yob douy kotya. Yob kamas lat o djiyestar, ninna te kras o baro Devel lah yaake, te nay las li kek čave.

5. Mose 21:15

Te hi i morshes douy romya, oun yob kamell koy yek boudeder har koy vavar, oun hakeni las lestar yek morsh čavo, oun o phoureder morsh čavo hi kolatar, kolat yob gar kamell,

2. Mose 3:7

Oun o baro Devel penas: “Me dikom har djoungelo mire menshenge djala an o them Egiptia. Me shounom lengri gole, har dan i pralstoune rhale len dava. Me prindjrau lengre douka.

1. Mose 29:30

Oun o Yakob oun i Rachel van khetne. Oun o Yakob kamas i Rachel boudeder har i Lea. Oun yob boudras pale o Labaneske efta bersha.

Johanni 12:25

Koon peskro djipen kamella, kova nashrell les. Koon peskro djipen ap kay phoub gar kamella, kova lell o djipen, hoy gar pre-herella.

Louka 14:26

“Koon pash mande vella, oun kamell peskro dades, peskri dat, peskri romyat, peskre čaven, peskre phralen, peskre phenyen, oun peskro djipen boudeder har man, kova nay vell gar miro maal.

Louka 1:7

Len his kek čave. Yoy nay las kek. Oun yon douy his phouro.

1. Mose 30:22

Oun o Devel bistras i Rachel gar. Yob shounas ap late oun kras, te vell yoy day.

1. Mose 27:41

Kol lače laba, hoy o Isaak pral o Yakobeste rakras, kran, te vas o Esau rhoyedo ap o Yakobeste. Doleske penas o Esau ap peste: “Ko tsiro vella sik, kay rovenn le pral miro dadeskro merepen. Te hi lo moulo, dau miro phrales moulo.”

1. Mose 25:21

Yoy nay las kek čave. Oun o Isaak mangas o baro Deblestar peskri romyake. Oun o baro Devel shounas ap o Isaak. Oun i Rebekka, leskri romni, vas an vavar koova.

Maleachi 1:3

o Esaes kamau me gar. Oun krom, te vas leskro them, kay boud berge hi, har i moulo them, kay i divye djoukle djivenn.

Mateo 6:24

Kek boudrell nay douy rayenge. Te vals kova yaake, boudrals lo ko yekeske mishto, oun ko vavareske gar mishto. Ko yekes kamals yob gar, kol vavares kamals yob o djiyestar. Tou nay boudreh gar o Debleske oun rodeh tiro bravlepen.

1. Samuel 1:27

Kava čaves mangom mange o baro Deblestar. Oun yob shounas man oun das les mande.

1. Samuel 1:20

te vas li vavarčandes. Oun har lakro tsiro vas, las li i morsh čaves, oun das les o lab Samuel. Yoy penas: “O baro Deblestar mangom les mange.”

1. Mose 16:1

O Abrameskri romni, i Saray, anas leske kek čaven ap i phoub. Pash late boudras i boudepaskretsa dran o them Egiptia. Lakro lab his Hagar.

Bičepangre 7:8

Oun o Devel das o Abrahameste peskro lab, te hi lo leskro Devel oun o Devel lauterenge, kay pal leste venna. Oun yob penas o Abrahameske, te moukell yob pes ap peskro mass te činell. Ninna i tsele morsh čave, kay pal leste venna, hounte van činlo ap pengro mass. Oun o Abraham las i čaves, o Isaak. Oun o Abraham činas les ap o mass, har yob efta divessa phouro his. Oun o Isaak činas o Yakobes, oun o Yakob peskre deesh-te-douy čaven. Kolla hi mare phoure dada, kolendar mer vam.

1. Mose 29:32

Oun i Lea vas an vavar koova oun anas i čaves ap i phoub. Koles das yoy ko lab Ruben oun penas: “O baro Devel dikas miri bibarht. Čačepah, kanna kamell man miro rom.”

1. Mose 35:23

I čave, kolen i Lea ap i phoub anas his o Ruben, ko phoureder čavo o Yakobestar. Pal leste vas o Simeon, o Levi, o Youda, o Issakar oun o Zabulon.

Ruth 4:13

Yaake las o Boas i Ruth, oun yoy vas leskri romni. Oun o baro Devel das, te vas li vavarčandes, oun las i morsh čaves.

1. Mose 11:30

I Saray nashte las kek čave.