1. Mose 29:17 - O Debleskro Lab 2024 (Sinte-Manouche)

¹⁷ I Leakre yaka his gar sasto. I Rachel his i shoukar oun rayli čay.

O Debleskro Drom 2021 (Sinte)

¹⁷ I Leakre jaka his gar sasto. I Rachel his i shukar un raili tchai.

1. Mose 29:17 Referans Kwoze

1. Mose 12:11

Yob his bouder gar dour o themestar Egiptia. Koy penas yob ap peskri romyate: “Saray, me djinau, kay hal i shoukar djouvel.

Mateo 2:18

Bari gole oun boud ropen shounan le an o gab Rama. I Rachel rovella pral peskre čavende, oun kamell kekestar lače laba te shounell. Lakre čave hi bouder gar koy.

Jeremia 31:15

Kova penell o baro Devel: I gole oun zorelo ropen vell shounlo an o foro Rama: I Rachel rovell pral peskre čaven: Yon hi moulo. Oun yoy kamell kek shoukar laba te shounell.

Gosewe laba 31:30

O shoukapen ačell gar, oun i shoukar djouvel vell ninna phouro. I romni, kay djivell o baro Debleha, kolat sharenn le.

1. Samuel 10:2

Tou te djah touke kanna mandar, palle veh tou pash o gab Selsa kote, kay i Rachel paskedo hi an o them Benyamin. Oun kote venna douy morsha ap o drom, kay touke penenna: Kol esle van hatslo, kolen tou rodal. Kanna krell pes tiro dad daar t'menge oun bouder gar kol eslenge. Yob poučell pes, kay nay hatsell lo peskro čaves.

1. Mose 48:7

Me krau kova miri romyake Rachel, kay hi tiri day. Yoy meras an o them Kanaan, har vom dran Paddan. Homs ap o drom, i tikno kotar glan o foro Efrata. Oun me paskrom lat kote pash o drom, hoy djal an Efrata. Kova hi kanna Betlehem.”

1. Mose 39:6

Yaake moukas o Potifar halauter, hoy les his, an o Yosefeskro vast oun dikas ap či, kokres ap peskro rhapen. Oun o Yosef his i shoukar oun raylo morsh.

1. Mose 35:24

I čave, kolen i Rachel ap i phoub anas his o Yosef oun o Benyamin.

1. Mose 30:22

Oun o Devel bistras i Rachel gar. Yob shounas ap late oun kras, te vell yoy day.

1. Mose 29:18

Oun o Yakob kamas i Rachel oun penas ap o Laban: “Me kamau te boudrap touke efta bersha. Koy pal deh tou man i Rachel, tiri terneder čay, te romedinerap lat.”

1. Mose 24:16

Koy čay his shoukar. Oun lat his kek morsh. Yoy djas tele pash o pani, kras o khoro pherdo pani oun vas pale pre.

1. Mose 12:14

Har yon an o them Egiptia van, dikan i Egiptarya, havi shoukar djouvel yoy hi.

1. Mose 26:7

Har i menshe an ko foro leskri romyat dikan, poučan le: “Koon hi koya?” Penas yob: “Yoy hi miri pheen.” Les his traash te penell: Yoy hi miri romni. Yob daras, te denn le les moulo, te lenn yon lat, yaake shoukar his li.

1. Mose 29:16

O Labanes his douy ča. Koy phoureder kharas Lea, koy terneder Rachel.

1. Mose 29:30

Oun o Yakob oun i Rachel van khetne. Oun o Yakob kamas i Rachel boudeder har i Lea. Oun yob boudras pale o Labaneske efta bersha.