1. Mose 29:13 - O Debleskro Lab 2024 (Sinte-Manouche)

¹³ Har o Laban shounas, kay vas peskri phenyakro čavo, o Yakob, nashas lo pash leste, čivas peskre moussya troul leste, čoumras les oun anas les an peskro kheer. Oun o Yakob penas o Labaneske halauter, hoy djas.

O Debleskro Drom 2021 (Sinte)

¹³ Har o Laban shunas, kai was peskri phenjakro tchawo, o Jakob, nashas lo pash leste, tchiwas peskre mussja trul leste, tchumras les un anas les an peskro kheer. Un o Jakob penas o Labaneske halauter, hoi djas.

1. Mose 29:13 Referans Kwoze

1. Mose 24:29

I Rebekka, lat his i phraal, ko kharella Laban.

Remarja 16:16

Taprenn t'men trouyel, oun denn t'men i čoum! Kova sikrella hakeneste, t'mer han phrala oun phenya an o patsepen. I tsele patsle, kay ap o Yezous Kristeste patsenna, penenn t'menge: Ačenn maro Debleha!

Bičepangre 20:37

Koy rovan le lauter zoreles, tapran les trouyel oun čoumran les.

Louka 7:45

Tou dal man kek čoum. Yoy čoumras mire pire yaake rah har yoy koy hi.

2. Samuel 19:39

“Mishto!” penas o baro ray. “Mou djal o Kimham mantsa! Oun me kamau leha te krell, hoy tou kameh. Ninna lauter, hoy tou mandar mangeh, krau me touke.”

2. Mose 18:7

Kote djas o Mose vin pash leste, djas ap i čanga glan leste oun čoumras les. Oun yon poučan yek o vavarestar, har lenge djala.

2. Mose 4:27

An ko tsiro penas o baro Devel ap o Aron: “Dja pash o Moseste an o moulo tato them!” Oun o Aron djas koy. Oun yon hatsan pen pash i Debleskri berga, oun lan pen an i moussi oun čoumran pen.

1. Mose 45:15

Oun yob čoumras peskre tsele phralen oun rovas ap lengro beč. Oun koy pal rakran leskre phrala leha.

Kolossarja 4:5

Djivenn t'maro djipen yaake, te dikenn i vavar, kay t'mer patsle han! Rodenn i drom, te rakrenn lentsa pral o Debleste!

1. Mose 24:31

Oun o Laban penas ap leste: “Am kay dren! I zoor oun i barht o baro Deblestar hi ap toute čiddo. Hoske hal tou vin tardo? Me krom touke o kheer djoudjo. Oun i khamelenge hi ninna platsa.”

1. Mose 33:4

Koy nashas o Esau pash leste, las les troul i meen oun čoumras les. Oun hake douy rovan.

1. Mose 24:32

Koy vas o morsh an o kheer. Oun yon lan i khamelendar o koova tele. Oun dan len phouss oun rhapen. O morsheske oun kolenge, kay pash leste his, anan le pani, te thovenn yon pengre herya.