1. Mose 29:11 - O Debleskro Lab 2024 (Sinte-Manouche)

¹¹ Oun o Yakob čoumras i Rachel oun rovas zoreles, kay lauter kova shounan.

O Debleskro Drom 2021 (Sinte)

¹¹ Un o Jakob tchumras i Rachel un rowas soreles, kai lauter kowa shunan.

1. Mose 29:11 Referans Kwoze

1. Mose 33:4

Koy nashas o Esau pash leste, las les troul i meen oun čoumras les. Oun hake douy rovan.

1. Mose 45:2

Oun yob rovas zoreles. Oun i Egiptarya shounan kova, ninna i menshe an o kheer o baro rayestar.

1. Mose 43:30

Har o Yosef peskro phrales dikas, his leske ropaske. Oun yob djas sik an peskri isema oun rovas koy.

Remarja 16:16

Taprenn t'men trouyel, oun denn t'men i čoum! Kova sikrella hakeneste, t'mer han phrala oun phenya an o patsepen. I tsele patsle, kay ap o Yezous Kristeste patsenna, penenn t'menge: Ačenn maro Debleha!

2. Mose 4:27

An ko tsiro penas o baro Devel ap o Aron: “Dja pash o Moseste an o moulo tato them!” Oun o Aron djas koy. Oun yon hatsan pen pash i Debleskri berga, oun lan pen an i moussi oun čoumran pen.

1. Mose 29:13

Har o Laban shounas, kay vas peskri phenyakro čavo, o Yakob, nashas lo pash leste, čivas peskre moussya troul leste, čoumras les oun anas les an peskro kheer. Oun o Yakob penas o Labaneske halauter, hoy djas.

1. Mose 27:26

Pal kova penas o Isaak ap leste: “Am pash mande oun de man i čoum, miro čavo!”

2. Mose 18:7

Kote djas o Mose vin pash leste, djas ap i čanga glan leste oun čoumras les. Oun yon poučan yek o vavarestar, har lenge djala.

1. Mose 29:10

Har dikas o Yakob o Labaneskri ča, i Rachel, ninna o Labaneskre bakre, djas lo pash i brounna, las ko bar tele, oun das i firhen peskro kakestar te piyell. O Laban his o phraal leskri datar.