1. Mose 28:16 - O Debleskro Lab 2024 (Sinte-Manouche)

¹⁶ Koy djangras o Yakob dran o sopen pre oun penas: “Čačepah, o baro Devel hi ap koy platsa. Oun me djinom kova gar.”

O Debleskro Drom 2021 (Sinte)

¹⁶ Koi djangras o Jakob dran o sopen pre un penas: “Tchatchepah, o baro Dewel hi ap koi platsa. Un me djinom kowa gar.”

1. Mose 28:16 Referans Kwoze

Josua 5:15

Koy penas o pralstouno pral o baro Debleskre lourdende ap leste: “Rib tire kirrha vin! I phoub, ap koy tou tardo hal, hi o Debleskri phoub.” Oun o Yosua kras yaake.

2. Mose 15:11

Kek hi yaake har tou, o baro Devel. Kek hi yaake har tou mank lauterende, kay kharenn pen Devel! Tou hal o čačo Devel, oun kek vavar hi yaake zorelo har tou! Tou kral dareno koova, hoy kek vavar nay krella.

2. Mose 3:5

Penas o Devel: “Ma dja doureder! Rib tire kirrha vin! Kay tou tardo hal, hi o Debleskri phoub.”

Hiob 33:14

Pale te pale rakrell yob, yek kopo yaake, oun yek kopo yaake. Oun mer menshe dah gar yak koy pre.

Hiob 9:11

Yob djal glan mande doureder, oun me dikom les gar. Yob djal glan mande doureder, oun me hayvom gar, te his lo koy.

Jesaja 8:13

O baro Debles, ko rayes pral o bolepen oun i phoub moukenn kokres t'maro Devel te vell! Oun kolestar darenn oun trashenn!

Debleskri gili 68:35

Hadenn o Debles! Yob hi o bareder. Leskro raylepen hi pral o Israel, oun leskri zoor djal bis ap i volke.

2. Mose 3:4

Oun o baro Devel dikas, har vell o Mose, te dikell lo feteder. Oun o Devel das ap leste gole dran i bourra: “Mose! Mose!” Oun o Mose penas: “Kate hom.”

Josua 5:13

His i dives, har o Yosua pash o foro Yericho his, koy dikas yob ap yek kopo i morshes glan peste. Koles his peskro rharo an o vast. Oun o Yosua djas pash leste oun penas: “Ap koneskri rig hal tou? Ap mari rig? Ap i vavarengri rig?”

1. Rajengro liil 3:15

Oun har o Salomo pre djangras, hayvas lo, kay yob i souni das. Oun yob vas an o foro Yerusalem, oun ačas glan o morhton tardo, kay o Debleskre deesh laba dren his. Oun yob moukas firhen te marell. Boud lendar van tseles rhačedo o Debleske. Oun vavarendar rhačran le o thulepen oun kotya mass, te parkrenn le pen pash o Debleste. Ko vavar mass rhan le khetne. Oun o Salomo kras i baro rhapen oun moukas i tsele pralstunen, kay leske boudran, te vell.

Debleskri gili 139:7

Kay djau me nay, te vap dour toutar? Kay nashap, kay tou man gar dikeh?

Jeremia 31:26

Har djangrom oun krom mire yaka pre, hayvom, kay miro sopen shoukar his.

4. Mose 12:6

Oun yob penas: “Shounenn mire laba! Te bičrau me yekes pash t'mende, kay penell t'menge mire laba, sikrau leste čomone an i dikepen oun rakrau leha an sounya.