1. Mose 28:13 - O Debleskro Lab 2024 (Sinte-Manouche)

¹³ Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

O Debleskro Drom 2021 (Sinte)

¹³ Un o baro Dewel his tardo pral pre un penas: “Me hom o baro Dewel, ko Dewel tiro papestar Abraham un ninna o Isaakeskro Dewel. Kau them, kai tu tchiddo hal, dau tut un tire tchawen, kai pal tute wenna.

1. Mose 28:13 Referans Kwoze

1. Mose 13:15

Ko tselo them, hoy dikeh, kova dau tout oun tire čaven, kay pal toute venna. Ko them hi t'maro hako tsiro.

1. Mose 48:3

Oun o Yakob penas ap o Yosefeste: “O zorelo Devel moukas pes mandar te dikell an o foro Louz an o them Kanaan. Oun yob rakras lače laba ap mande oun penas:

1. Mose 35:12

Oun ko them, hoy dom o Abrahameste oun o Isaakeste, dau toute ninna oun tire menshende.”

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

1. Mose 12:7

Oun o baro Devel moukas pes o Abramestar te dikell, oun penas ap leste: “Tire čaven oun kolengre čaven oun lauteren, kay pal toute venna, kolen kamau kava them te dell.” Koy kras o Abram i rhačepaskri o baro Debleske, kay venn firhe leske rhačedo – kote, kay o Devel moukas pes lestar te dikell.

1. Mose 35:1

Oun o Devel penas ap o Yakobeste: “Kre tout ap o drom, dja an o foro Betel! Ač kote oun kre kote i rhačepaskri, te rhačress mange firhen. Me hom ko Devel, kay moukas pes toutar te dikell, har tou tiro phralestar Esau krik nashal.”

Hebrearja 11:16

Kova kran le gar. Na-a. Lengro dji das gole pal i lačeder them. Kova hi an o bolepen. Doleske ladjell o Devel lenge gar, te penenn le: “Maro Devel!” ap leste. Oun yob kras lenge i foro.

2. Mose 3:6

Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

Mateo 22:32

Me hom o Abrahameskro Devel oun o Isaakeskro Devel oun o Yakobeskro Devel. Oun me penau t'menge: Yob hi gar o Devel kolenge, kay moulo hi. Na-a, yob hi o Devel i djidenge.”

1. Mose 46:3

Oun o Devel penas: “Me hom o Devel, ko Devel tiro dadestar. Ma traash te djas an o them Egiptia! Koy krau me, te vess o dad i bari natsyona.

1. Mose 35:17

Har lakre douka baro his, penas koy rhačepaskri gadji ap late: “Ma traash! Ninna kova hi i morsh čavo.”

1. Mose 32:9

Yob penas peske: “Te vell o Esau oun dell kolen ap koy yek rig moulo, nashenn nay kolla ap koy vavar rig.”

1. Mose 31:42

O Devel miro dadestar, kay ninna o Abrahameskro Devel hi, oun kolestar trashell miro dad Isaak, te vals ko Devel gar ap miri rig, čačepah, moukals man čorveles te djal. O Devel dikas, har marom man touke tele oun har pharo miri boudi his. Doleske his yob taysar rati ap miri rig tardo.”

1. Mose 28:4

Koy barht oun koy zoor, hoy o Devel čivas ap o Abrahameste, mou vell ap toute oun ap tire menshende! Tou leh kava them, kay tou kanna i vi-themari hal – ko them, hoy o Devel o Abrahameste das.”

1. Mose 26:3

Ač i tsiro an kava them. Me hom pash toute, te čivap miri zoor oun miri barht ap toute. Kalla tsele themma dau me tout oun tire čaven, kay pal toute venna. Me rikrau miro lab, hoy dom tiro dadeste Abraham, oun kay dom miro vast koy pre.

1. Mose 15:1

Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

Bičepangre 7:5

O Devel das les kek kotar phoub an kava them, vitar gar i tikno kotar. Oun o Devel das les peskro lab, te dell lo leskre čavende i them. An ko tsiro his o Abrahames kek čavo.

Debleskri gili 105:11

Yob penas: “Touke dau kava them Kanaan, kova hi ko them, hoy t'menge vell.”

1. Mose 35:15

Oun yob das koy platsa ko lab Betel.

1. Mose 13:17

Dja trouyel an o tselo them! Tout dau ko tselo them.”

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 31:5

Oun yob penas ap lende: “Hayvom, kay t'maro dad dikell bouder gar lačo ap mande har glan kava tsiro. Miro dadeskro Devel his mantsa.

1. Mose 31:13

Me hom o Devel, kay moukas pes toutar te dikell an o foro Betel, kay čival mange i bar pre, čoral djet koy pre oun dal tout sovel ap mande. Kanna ste pre, dja dran kava them! Oun dja khere an ko them tire menshendar!”

1. Mose 31:53

Ko Devel, kay hi o Abrahameskro Devel oun o Nahoreskro Devel, kova mou dell koles i phagi, kay rikrell pes gar ap kova.” Yaake das pes o Yakob sovel ap ko Debleste, kay leskro dad Isaak daras lestar.

2. Mose 2:24

Oun yob shounas lengri gole, oun bistras gar ko lab, hoy das yob o Abraham, o Isaak, oun o Yakob, te vell lo lengro Devel oun yon peskre menshe.

2. Mose 4:5

Oun o baro Devel penas: “Mose, kre kava glan i Israelitarya! Palle patsenn le ap toute, te moukom man me, o baro Devel, glan toute te dikell. Palle djinenn le, te hom me o Devel, koles lengre phoure, o Abraham, o Isaak oun o Yakob an-mangan.”

2. Mose 6:4

Ninna dom lende miro vast koy pre, te dap len o them Kanaan, ko them, kay yon vi-themarya his.

5. Mose 1:8

Kava tselo them čivom me glan t'mende, djan t'mer koy, oun lenn les t'menge dren! Kova hi ko them, kolestar o baro Devel t'mare phourende, o Abrahameste oun o Isaakeste oun o Yakobeste pes sovel das, te dell lo les lende oun lengre čavende oun kolende, kay pal lende venna.

5. Mose 9:5

Hi gar doleske, te vans lače menshe oun t'men vals i djoudjo dji, te venn t'mer an ko them, te lenn les t'menge dren. Na-a, t'maro baro Devel tradell kol menshen vin ko čilačepaske, hoy le kran, te rikrell yob koy sovel dren, hoy lo t'mare phourende, o Abrahames oun o Isaakes oun o Yakobes, das.

5. Mose 34:4

Oun o baro Devel penas ap leste: “Kava hi o them, kolestar penom oun me man sovel dom glan o Abraham, o Isaak oun o Yakob, te dap kava them lengre čavende, kay pal lende venna. Me moukom les tout tire yakentsa te dikell. Pral vergel djas tou gar.”

Amos 7:7

Oun yob moukas man pale te dikell: Yob his tardo ap i massouri, an peskro vast i dori, kay i blayo pre-pandlo hi, te dikell lo, te hi i massouri gar bango.

1. Mose 32:10

Oun o Yakob penas ap o Debleste: “Tou, o Devel miro papestar Abraham oun miro dadestar Isaak, tou hal o baro Devel, kay penal ap mande: Dja pale an tiro them oun pash tire menshende. Me krau touke lačepen.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

1. Familjakro liil 16:16

Kova hi ko lab, hoy das lo o Abrahameste, koy sovel, hoy das lo o Isaakeste,

1. Familjakro liil 16:18

Yob penas: “Touke dau kava them Kanaan, kova hi ko them hoy t'menge vell.”

Ezekiel 28:25

Me, o baro Devel, t'maro ray, penau: An ko tsiro, kay anau me i Israelitaryen pale khetne dran i tsele vavar themma, kay van le tradedo, sikrau koleha i menshen an i tsele themma te hom me o čačo Devel. Oun i Israelitarya djivenn pale an pengro them, hoy dom me miro boudepaskres, o Yakobeste.