1. Mose 27:43 - O Debleskro Lab 2024 (Sinte-Manouche)

⁴³ Kanna, shoun ap mande, miro čavo. Kre tout ap o drom, dja touke sik oun dja pash miro phraleste Laban an o foro Haran.

O Debleskro Drom 2021 (Sinte)

⁴³ Kanna, shun ap mande, miro tchawo. Kre tut ap o drom, dja tuke sik un dja pash miro phraleste Laban an o foro Haran.

1. Mose 27:43 Referans Kwoze

1. Mose 27:8

“Kanna, miro čavo”, penas i Rebekka doureder, “shoun ap mande oun kre, hoy touke penau.

1. Mose 11:31

Oun o Tera las peskro čaves Abram peha oun o Lot, ko čavo peskro čavestar Haran, oun i Saray, koy romni peskro čavestar Abram. Oun khetne moukan le ko foro Our, hoy an o them Kaldea čiddo hi, te djan le an o them Kanaan. Oun yon van pash o foro Haran oun ačan kote.

1. Mose 27:13

Koy penas leskri day ap leste: “Koy bibarht mou vell ap mande, miro čavo. Shoun ap mande! Dja oun an mange kol firhen!”

Bičepangre 5:29

O Petro oun i vavar Yezouseskre bičepangre penan: “Mer hounte shounas ap o Debleste boudeder har ap i menshende.

Jeremia 35:14

Kol laba, hoy penas o Yonadab, koleskro dad o Rekab his, peskre menshenge, kay pal leste venna, rikrenn yon dren bis ap kava dives, oun piyenn kek mool, yaake har lengro dad lenge penas. Me moukom t'menge pale te pale mire laba te penell, oun t'mer shounenn gar, hoy me penau.

Gosewe laba 30:17

Kova, kay praasell peskro dades, oun kamell gar ap peskri date te shounell, koleske hounte dens i korake i yaka vin, oun i bare čirkle hounte rhans len.

1. Mose 28:7

Yob dikas ninna, kay o Yakob shounas ap peskro dadeste oun ap peskri date oun djas an o them Paddan-Aram.

1. Mose 24:29

I Rebekka, lat his i phraal, ko kharella Laban.

1. Mose 28:10

O Yakob djas dran ko foro Beersheba oun kras pes ap ko drom, kay djal an o them Haran.

1. Mose 27:42

Har i Rebekka shounas, hoy lakro phoureder čavo Esau kamell te krell, moukas li lakro terneder čaves Yakob te kharell oun penas ap leste: “Shoun, tiro phraal Esau kamell tout moulo te dell.

1. Mose 28:5

Oun o Isaak moukas o Yakobes te djal. Oun yob djas an o them Paddan-Aram pash o Laban. Koleskro dad his o Aramari Betouel. O Labaneskri pheen his i Rebekka, koy day o Yakobestar oun o Esaestar.

1. Mose 35:1

Oun o Devel penas ap o Yakobeste: “Kre tout ap o drom, dja an o foro Betel! Ač kote oun kre kote i rhačepaskri, te rhačress mange firhen. Me hom ko Devel, kay moukas pes toutar te dikell, har tou tiro phralestar Esau krik nashal.”

1. Mose 25:20

O Isaak his star-desha bersh phouro, har yob romedineras i Rebekka. Lakro dad his o Betouel, oun lakro phraal his o Laban. Kolla his Aramarya dran o them Paddan-Aram.