1. Mose 22:4 - O Debleskro Lab 2024 (Sinte-Manouche)

⁴ Ap o triinto dives dikas o Abraham koy platsa dour glan peste.

O Debleskro Drom 2021 (Sinte)

⁴ Ap o triinto diwes dikas o Abraham koi platsa dur glan peste.

1. Mose 22:4 Referans Kwoze

1. Korintarja 15:4

Oun yob vas paskedo, oun vas djido pal triin divessa, yaake har kova an o Debleskro lab činlo hi.

Louka 13:32

Koy penas o Yezous ap lende: “Djan oun penenn ko čilačo morsheske: Kava dives oun taysar tradau i bengen vin, oun krau i menshen sasto. Oun pal triin divessa hi miro tselo koova kerdo.

Mateo 17:23

Oun yon marenn les. Pal triin divessa vell lo o Deblestar djides kerdo.” Oun ko lab doukas len an o dji.

Hosea 6:2

Pal douy divessa dell lo men nevo djipen, oun ap o triinto dives moukell lo men pale ap i pire tardo te vell, te nay djivas glan leste.

Ester 5:1

Oun ap o triinto dives rivas i Ester rayengre ripya an oun djas ap koy platsa, hoy hi dren an o baro rayeskro kheer, vergel koy bari isema, kay o baro ray hi. Oun yob his beshdo ap peskri rayli beshepaskri vergel o voudar.

2. Rajengro liil 20:5

“Dja pale pale oun pen ap o Hiskiya, ko rayeste pral mire menshende: Kava penell o baro Devel, ko Devel tiro dadestar, o Davidestar: Me shounom tiro mangepen oun me dikom tire sva. Dik, me kamau tout sastes te krell – an o triinto dives nay djah tou pral an o baro Debleskro kheer.

1. Samuel 26:13

Oun o David djas ap i vavar rig, oun doureder pral ap i berga, yaake te his lo dour doha lendar krik.

Josua 1:11

“Djan mashkral i plarhtene khera oun penenn i menshenge: Lenn rhapen oun pipen pash t'mende o dromeske! An triin divessa djan t'mer pral o pani Yordan an ko them dren, hoy dell t'men o baro Devel, kay t'maro Devel hi, te vell ko them t'maro!”

4. Mose 31:19

Oun t'mer halauter, kay dan yekes moulo oder kay tapran i moules an, ačenn efta divessa glan koy platsa, kay t'mare plarhtene khera hi. Ap o triinto dives oun ap o eftato dives thovenn t'men yaake har glan činlo hi, te venn pale djoudjo oun erligo. Ninna kol ča, kay lan t'menge pandlo, hounte thovenn pen yaake.

4. Mose 19:19

Yek, kay gar pale-čiddo hi, hounte vitsrell ko pani ap koleste, kay pale-čiddo hi ap o triinto dives oun ap o eftato dives. Oun ko pale-čiddo hounte thovell pes an ko pani oun peskre koola. Palle vell yob ap i rati djoudjo oun erligo.

4. Mose 19:12

Yob hounte thovell pes ap o triinto dives oun ap o eftato dives ko panyeha, hoy lell i pale-čiddo koova i menshestar krik. Palle vell lo djoudjo oun erligo. Te thovell lo pes gar yaake ap o triinto dives oun ap o eftato dives, ačell lo pale-čiddo.

4. Mose 10:33

Yaake moukan le o baro Debleskri berga pal pende oun djan triin divessa dour. Oun kolla, kay hidjran o sonakaskro morhton, kay o baro Debleskre deesh laba dren hi, djan glan lende oun sikran lende, kay ačenn le tardo.

3. Mose 7:17

Hi gomme o triinto dives čomone pral, hounte vell kova an i yag rhačedo.

2. Mose 19:15

Oun yob penas: “Rikrenn t'men djoudjo o triinto diveske! Oun kek morsh taprell an kava tsiro peskri romyat an!”

2. Mose 19:11

Yaake te venn le djoudjes mange koy tardo o triinto dives. Ap o triinto dives vau me, o baro Devel, glan i tsele menshende tele ap i berga Sinay.

2. Mose 15:22

Oun i Israelitarya moukan o Baro Lolo Pani pal pende. Oun o Mose anas len an o moulo tato them, hoy kharella Shour. Oun yon djan triin divessa trouyel an o moulo them, oun hatsan kek pani.

2. Mose 5:3

O Mose oun o Aron penan ap o Farao: “O baro Devel, ko Devel, koles i Hebrearya an-mangenn, yob moukas pes glan mende te dikell. Kanna, mouk men triin divessa dour te djal an o moulo tato them. Mer kamah maro Debleske kote firhen te marell. Oun kova te krah mer gar, nay vell lo rhoyedo ap mende, yaake te vell baro nasslepen oun kourepen ap mende.”

1. Mose 22:3

Koy stas o Abraham sik taysarlakro pre, kras kasht tikno rhačepaske, čivas ko kasht ap peskri bourika oun las douy boudepangre oun peskro čaves Isaak peha, oun djas kote, kay o Devel leske penas.

1. Mose 22:5

Oun penas ap peskre boudepangre: “Ačenn koy bourikah kay! Me oun miro čavo djah ap koy berga, te mangas o Debles an. Pal kova vah mer pale.”