1. Mose 21:22 - O Debleskro Lab 2024 (Sinte-Manouche)

²² An ko tsiro vas o Abimelek peskro pralstouno lourdeha Pikol pash o Abrahameste oun penas ap leste: “O Devel hi touha an halauter, hoy tou kreh.

O Debleskro Drom 2021 (Sinte)

²² An ko tsiro was o Abimelech peskro pralstuno lurdeha Pichol pash o Abrahameste un penas ap leste: “O Dewel hi tuha an halauter, hoi tu kreh.

1. Mose 21:22 Referans Kwoze

1. Mose 26:26

Oun o Abimelek vas dran o foro Gerar peskro maleha Ahoussat oun peskro pralstouno lourdeha Pikol pash o Isaak.

Josua 3:7

Oun o baro Devel penas ap o Yosua: “Kava dives krau me tout bares glan i yaka i tsele Israelendar, te hayvenn le: Yaake har homs o Moseha, yaake hom ninna touha!

1. Mose 26:28

Penan le: “Mer dikah oun hayvah, kay o baro Devel touha hi. Doleske penam menge: Mer hounte kras touha vin, oun das men sovel, te krah bouder kek čingepen yek o vavareha.

1. Mose 20:2

Kote penas yob peskri romyatar Sara: “Yoy hi miri pheen.” Oun o baro ray pral o foro Gerar – leskro lab his Abimelek – bičras morshen, te anenn le i Sara pash leste.

Hebrearja 13:5

Ma nashenn i love palla! Kova, hoy tout hi, kova mouk touke doha te vell! O Devel penas: Me bistrau tout gar, oun moukau tout kek tsireske!

1. Korintarja 14:25

Hoy an leskro dji khatedo hi, vell diklo. Oun yob moukell pes glan tele perell ap i phoub oun mangell o Debles an, oun penell: “O Devel hi čačepah pash t'mende!”

Remarja 8:31

Hoy te penas mer boudeder? O Devel hi ap mari rig! Koon nay krell menge i čilačepen? Kek!

Jesaja 8:10

Rakrenn khetne har te djan glan, oun djinenn, kolestar vell či. Rakrenn yaake boud har kamenn, Či vell vin. O Devel hi mentsa.

Debleskro tsiro 3:9

Shounenn, hoy me kol bengeskre menshentsa krau, kay rhorhenn oun penenn pendar, te hi le o Debleskre menshe, oun yon hi kek Debleskre menshe. Me krau, te venn le pash t'mende, te vitsrenn le pen glan t'mende ap i phoub, oun te hayvenn le, te kamau t'men o tselo djiyestar.

Mateo 1:23

I terni čay, kay gomme kek morshestar an tapedo vas, lella i ternepen. Oun yon denn les o lab Emmanuel. Kova kharella: O Devel hi mentsa.”

Zakarie 8:23

Kova penell o baro Devel, ko ray pral o bolepen oun i phoub: “An ko tsiro venn deesh vi-themarya pash yek biboldo, taprenn les ap leskri baya, mangenn lestar oun penenn: Mer shounam, o Devel hi t'mentsa. Doleske mouk men t'mentsa te djal!”

Jesaja 45:14

Kava penell o baro Devel: O bravlepen dran o them Egiptia, oun kova, hoy i menshe dran Etiopia dren lan, vell pash toute, te vell lo tiro. Oun kol bare zorele morsha dran Seba venn tire boudepangre. Pandles shellentsa venn le pash toute, oun vitsrenn pen glan toute ap i phoub, oun penenn: Kokres pash toute hi o Devel, oun dell kek vavar devel.

2. Familjakro liil 1:1

Oun o Davideskro čavo, o Salomo, vas i zorelo ray. Oun o baro Devel, kay leskro Devel his, his leha, oun kras les baro oun bareder.

1. Mose 30:27

Koy penas o Laban ap leste: “Ab mange lačo oun ač kay! Hayvau, kay o baro Devel peskri zoor oun peskri barht ap mande čivella yaake rah, har tou pash mande hal.

1. Mose 20:17

Har o Abimelek o Abrahameskri romyat las, kras o baro Devel, kay kek djouvel an o Abimelekeskro kheer i ternepen lella. Oun kanna mangas o Abraham o Debles lenge. Oun o Devel kras o Abimelekes sasto oun leskri romyat oun i djouvyen, kay leske boudran, yaake, te lan le pale čave.

1. Mose 28:15

Tou djiness, me hom touha oun dau garda ap toute, kote, kay tou djah. Oun anau tout pale an kava them. Me moukau tout gar, bis te krom halauter, hoy touke penom.”

1. Mose 20:14

Koy las o Abimelek bakre, groumya oun boudepangre: morsha oun djouvya. Oun das len o Abrahameste. Oun das les ninna leskri romyat, i Sara, pale.

1. Mose 31:5

Oun yob penas ap lende: “Hayvom, kay t'maro dad dikell bouder gar lačo ap mande har glan kava tsiro. Miro dadeskro Devel his mantsa.

1. Samuel 3:19

Oun o Samuel vas bareder, oun o baro Devel his pash leste, oun kras te vas lauter čačo, hoy o Samuel i menshenge penas.

2. Samuel 24:7

Palle van yon an o zorelo foro Tirus oun an kol tsele forya, kay kol Hivarya oun kol Kanaanitarya djivan, oun ninna an o them Negev an o them Youda bis pash o foro Beersheba.

1. Samuel 24:22

Yaake de tout sovel ap o baro Debleste, te mareh gar mire čaven, kay pal mande venna, te vell miro lab gar bistedo an miro dadeskro kheer.”