1. Mose 20:9 - O Debleskro Lab 2024 (Sinte-Manouche)

⁹ Oun o Abimelek kharas o Abrahames, te vell lo pash leste oun penas: “Hoy kral tou mentsa? Oun hoy krom me tout, kay tou anal bari doosh ap mande oun ap miro tselo them! Tou kral čomone, hoy hounte krals tou gar!

O Debleskro Drom 2021 (Sinte)

⁹ Un o Abimelech kharas o Abrahames, te well lo pash leste un penas: “Hoi kral tu mentsa? Un hoi krom me tut, kai tu anal bari doosh ap mande un ap miro tselo them! Tu kral tchomone, hoi hunte krals tu gar!

1. Mose 20:9 Referans Kwoze

1. Mose 12:18

Koy moukas o baro ray o Abrames te kharell, oun penas ap leste: “Hoy kral tou mantsa? Hoske penal mange gar, kay hi yoy tiri romni?

1. Mose 39:9

Kek hi bareder an kava kheer har me. Oun miro ray rikras či peske har tout kokres. Tou hal leskri romni. Har nay anau havi bari doosh ap mande, te krap kova, hoy o Devel gar kamella?”

1. Mose 26:10

Penas o Abimelek: “Hoske kral tou kova mentsa? Har sik nashte vals yek i morshendar oun lals tiri romyat oun čivals pes pash late. Tou anals bari doosh ap mende!”

Hebrearja 13:4

Kolla, kay romedino hi, hounte bistrenn gar, te hi yon romedino. O rom hounte vell gar khetne i vavar djouvyah, oun i romni hounte vell gar khetne i vavar morsheha. Djinenn, o Devel dell i phagi kol morshende, kay rhorhenn pengri romyat, oun kol djouvyende, kay rhorhenn pengro romes, ninna lauterende, kay loubrenn trouyel.

Tito 1:11

Tou pandess lengro mouy! Yon sikrenn i menshende i drom, hoy gar čačo hi. Kova krenn le, te vell len boudeder love. Yaake djinenn tsele familye bouder gar, hoy te patsenna.

Remarja 2:11

O Devel dikell gar ap yekeste, koon yob hi.

Gosewe laba 28:10

Kova, kay anell o Debleskre menshen ap i čilačo drom, kova perell kokres an i grouba. Kolla, kay kek doosh ap pende anan, lenna lačo koova.

2. Samuel 13:12

Yoy penas ap leste: “Ma kre kova, miro phraal! An kek ladj pral mande! Savo koova krell kek an Israel! Kre gar savo vi-ladjedo koova!

2. Samuel 12:5

Koy las o David i bari rholi pral ko morsheste, oun penas ap o Nataneste: “Me dau man sovel pash o djido Debleste: Ko morsh, kay kova kras, hounte vell maredo.

Josua 7:25

Oun o Yosua penas: “Yaake har tou men an i bibarht anal, yaake anell tout o baro Devel kanna an i bibarht!” Oun i tsele Israelitarya hadan barra pre oun vitsran len ap lende, te meran le. Oun palle rhačran le len pre.

3. Mose 20:10

Te sovell yek i romyah i vavarestar, hounte venn kol douy maredo.

2. Mose 32:35

Oun o baro Devel das i Israelitaryen doleske, kay yon mangan ko terno gouroum an, hoy o Aron kras.

2. Mose 32:21

Pale penas lo ap o Aron: “Hoy kran touke kol menshe? Hoske anal tou len ap savo čilačo drom!”

1. Mose 38:24

Pal triin čon vas o Youdaeske penlo: “I Tamar, tiro čaveskri romni loubras pes trouyel, oun yoy hi an vavar koova.” Koy penas o Youda: “Anenn lat vin, te vell li pre rhačedo.”

1. Mose 34:7

Har o Yakobeskre čave khere van oun shounan, hoy o Sichem kras, doukas kova len an o dji oun len vas i bari rholi pral o Sichem. Yob kras čomone, hoy te vell gar kerdo oun anas bari ladj pral o Israel.

1. Mose 20:8

Taysarlakro stas o Abimelek pre, das peskre tsele morshen khetne gole, oun penas lenge kol tsele laba, te shounenn le kova lauter. Koy lan kol morsha bari traash.

1. Mose 20:10

Pen mange, hoske kral tou kova?”

1. Mose 29:25

Taysarlakro dikas o Yakob, kay yoy his i Lea. Koy penas lo ap o Laban: “Hoske kral kova? Boudrom touke, te lap i Rachel. Hoske rhorhral man tou?”