1. Mose 20:5 - O Debleskro Lab 2024 (Sinte-Manouche)

⁵ O Abraham penas ap mande: Yoy hi miri pheen. Oun yoy penas ninna: Yob hi miro phraal. Me djinom gar, kay yoy romedino hi. Miro dji oun mire vasta hi djoudjo.”

O Debleskro Drom 2021 (Sinte)

⁵ O Abraham penas ap mande: ‘Joi hi miri pheen.’ Un joi penas ninna: ‘Job hi miro phraal.’ Me djinom gar, kai joi romedino hi. Miro dji un mire wasta hi djudjo.”

1. Mose 20:5 Referans Kwoze

Debleskri gili 7:8

De i menshen dran i tsele themma khetne gole troul toute, oun besh tout dour pral lende ap tiro čačepaskro stamin!

1. Rajengro liil 9:4

Oun tou, te djiveh tou glan mande, har tiro dad, o David, glan mande djivas i djoudjo djiyeha oun kek rhorhepah, oun kreh halauter yaake, har me touke penom, oun mire laba rikreh, oun pal miro čačepen djiveh,

1. Timoteo 1:13

His i tsiro, kay rakrom djoungeles pral leste, oun lom i patslen palla, te marap len. An ko tsiro prindjrom les gar, oun djinom gar, hoy me krom. Yob kras mange peskro dji pre, oun las man dran o čilačepen vin.

1. Tessalonikarja 2:10

O Devel dikas, har djivam mashkral t'mende. Oun t'mer, kay ap leste patsenna, dikan ninna, te djivam yaake pash t'mende har o Devel kamella, oun djam pal o čačepen, te hatsas kek i doosh ap mende.

2. Korintarja 1:12

Maro dji penell menge, mer djivam maro djipen čačes oun djoudjes, yaake har o Devel kamella. Doleske nay sharah men. Mer rakram pral o Debleskro lačepen oun penam či, hoy vella dran maro menshengro gosvepen. T'mer djinenna, yaake djivam gar kokres mank i vavar menshende, na-a, ninna pash t'mende.

Daniel 6:22

Kote rakras o Daniel o baro rayeha oun penas: “Baro ray, te djivess hako tsireske!

Gosewe laba 20:7

Kova, kay an o čačepen tardo hi oun o Debleskro drom gar moukell, barhtelo hi leskre čave, kay pal leste venna.

Gosewe laba 11:3

Lengro djoudjo dji anell i lačen ap o čačo drom. Ko midjak koova, hoy i phoukepangre krenn, vell ap lende pale oun phagell len.

Debleskri gili 78:72

Oun peskro tselo djiyeha das o David yak ap lende, oun gosvepah sikras lo len o drom.

Debleskri gili 73:13

His kova čičeske, kay rikrom miro dji djoudjo, oun anom kek doosh ap mande?

Debleskri gili 26:6

Me thovau mire vasta, te sikrap, kay hi kek doosh ap mande, oun djau kote, kay venn firhe touke rhačedo,

Debleskri gili 25:21

Me rikrau man ap toute miro tselo djiyestar. Doleske mouk man te djivap miro djipen an djoudjepen oun čačepen.

Debleskri gili 24:4

Kava, ap koleskre vasta kek doosh hi, oun koles i djoudjo dji hi. Kova, kay djivell gar peskro djipen ap rhorhepen, oun dell pes gar rhorheni sovel.

Hiob 33:9

“Me djivom i djoudjo djipen, oun krom kek čilačo koova. Kek doosh hi ap mande. O čačo dromestar djom gar tele.

1. Familjakro liil 29:17

Miro Devel, djinau, te dikeh an o dji. Oun touke hi mishto, te hi i menshes i čačo dji. Doleske dom tout kava lauter mandar dran i čačo dji, oun hom barhtelo te dikau, kay tire menshe, kay kate glan touke tardo hi, toute ninna lauter pendar vin dan.

2. Rajengro liil 20:3

“Ah, baro Devel, mangau tout, biste gar, kay djivom glan toute an o čačepen oun i djoudjo djiyeha oun krom, hoy mishto hi glan tire yaka.” Oun o Hiskiya rovas i baro ropen glan leste.

Josua 22:22

“O baro Devel hi bareder har i tsele vavar debla! O baro Devel hi bareder har i tsele vavar debla. Yob djinell oun t'mer hounte djinenn kova ninna: Mer moukam les gar oun hadam men gar pral leste. Te hi kava gar o čačepen, nay denn men moulo.

1. Mose 12:13

Pen lenge, tou hal miri pheen. Yaake lenn le tout penge, oun doleske hi le lačes ap mande oun moukenn man te djivell.”

1. Mose 20:13

An ko tsiro, har o Devel mange penas, te djap dran miro dadeskro kheer an i dour them, penom me ap late: Yaake nashte sikreh mande, kay kameh man: Kote, kay mer vah, hounte peness tou, kay me tiro phraal hom.”

1. Mose 20:16

Oun ap i Sara penas yob: “Shoun, me dom tiro phrales 1.000 (yek zero) roupene beme. Kol love sikrenn kolende, kay pash toute hi, kay tou hounte ladjess gar. Yaake hal tou čačo glan i menshengre yaka.”

Debleskri gili 7:9

Baro Devel, tou hal o baro čačepaskro ray pral i menshende dran i tsele themma. De man miro čačepen! Tou djineh, me hom tardo an o čačepen oun kek doosh hi ap mande.