1. Mose 19:21 - O Debleskro Lab 2024 (Sinte-Manouche)

²¹ “Mishto”, penas yob ap o Loteste. “Me shounau ap toute an ko koova. Me dau i menshen an ko foro gar moulo.

O Debleskro Drom 2021 (Sinte)

²¹ “Mishto”, penas job ap o Loteste. “Me shunau ap tute an ko koowa. Me dau i menshen an ko foro gar mulo.

1. Mose 19:21 Referans Kwoze

Debleskri gili 145:19

Kolenge, kay o djiyestar ap leste shounenna, krell lo, hoy yon mangenna, oun shounell, har denn le gole, oun vell ap lengri rig.

Debleskri gili 102:17

O baro Devel čivell o foro Sion pale pre, oun moukell pes te dikell an peskro raylepen.

Debleskri gili 34:15

Rikrenn t'men pale dran o čilačepen oun krenn o lačepen! T'mari tseli zoryah krenn lauter, te vell kek čingepen mank t'mende!

Hebrearja 2:17

Doleske hounte vas o Yezous an lauter yaake, har leskre phrala, te vell les i baro dji lenge, oun te vell lo lenge i čačo baro rashay glan o Debleste, te mangell lo leskre menshenge, te lell yob i doosh lendar krik.

Louka 11:8

Me penau t'menge: Yob stell pre oun dell les yaake boud, har ko vavares hounte vell. Kova krell lo gar doleske, kay hi o vavar leskro maal. Kova krell lo doleske, kay mangas les o vavar yaake boud oun moukas gar tele.

Mateo 12:20

Yob hi lačo ap koleste, kay hi les bouder gar boud zoor. Yob phagell les gar har i kasht, kay hi an-phagedo. Ninna i momeli, hoy gomme i tikno kotar rhačella, krell lo gar vin. Yaake hi lo, bis te hi peskro čačepen pral halauter tardo.

1. Mose 18:24

Te hi an ko foro 50 (paash-sheel) menshe, kay krenn, hoy mishto oun čačo hi, kameh tou kolen ninna te marell? Te hatseh kote 50 (paash-sheel) menshen, kay kek čilačepen kran, de o fores kek phagi!

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 4:7

Kova hi yaake: Te kreh, hoy mishto hi, nay dikeh tou i menshen an i yaka. Te kreh, hoy gar mishto hi, hi o čilačepen gar dour toutar, oun kamell ray pral toute te vell. Tou hounte vess ray pral o čilačepen.”

Jeremia 14:10

Yaake penas o baro Devel kal menshendar: Yon nashenn yek rigyatar ap i vavar, yaake har kamenn le. Doleske dikell o baro Devel gar lačes ap lende. Leske vell an o shero, havo čilačo koova yon kran. Oun lengri doshake dell yob len i phagi.

1. Mose 19:20

Dik! Koy hi i foro gar dour. Koy nashau me, te ačap djido. Ko hi i tikno foro.”

1. Mose 19:22

Kanna naash sik kote! Me nashte krau či, bis te tou an ko foro hal.” Dran kova hi o lab ko forestar Soar.

1. Samuel 25:35

Oun o David las lauter dran lakro vast, hoy yoy leske anas, oun penas ap late: “Dja pale khere oun ma dare! Kova, hoy tou mandar mangal, krau me yaake.”

2. Mose 33:17

O baro Devel penas ap o Moseste: “Ninna kava, hoy tou mandar mangal, kamau me te krell. Tou hal lačes glan mire yaka, me prindjrau tout oun djinau tiro lab.”