1. Mose 19:14 - O Debleskro Lab 2024 (Sinte-Manouche)

¹⁴ Koy djas o Lot vin, oun penas ap kol morshende, kay romedinerenn leskre čen: “Stenn pre! Djan sik dran kava foro! O baro Devel kamell lauteren an kava foro temerl dell!” An lengre yaka his yob har yek, kay rakrell narvelo koova.

O Debleskro Drom 2021 (Sinte)

¹⁴ Koi djas o Lot win, un penas ap kol murshende, kai romedinerenn leskre tchen: “Stenn pre! Djan sik dran kau foro! O baro Dewel kamell lauteren an kau foro temerl dell!” An lengre jaka his job har jek, kai rakrell narwelo koowa.

1. Mose 19:14 Referans Kwoze

4. Mose 16:21

“Djan kol menshendar krik, te marap len sik.”

Jeremia 51:6

Nashenn sik dran o foro Babilon, nashenn t'maro djipaske! te djan gar halauter tele an koy doosh, hoy kava foro ap peste anas! Kova hi o baro Debleskro tsiro, kay dell lo i Babilonaryen ko čilačepen pale, hoy kolla kran.

4. Mose 16:26

Oun yob penas ap i tsele menshende: “Djan krik kol plarhtene kherendar kol menshendar, kay shounenn gar ap o Debleste! Oun taprenn ap či, hoy len hi, te merenn t'mer gar ap ko tselo čilačo koova, hoy yon kran!”

2. Familjakro liil 30:10

Oun i bičepangre djan yek forestar an o vavar an o them Efrayim oun Manasse, oun nashan bis Zabulon. Boud kol menshendar kote sanan len vin oun rikran len dineleske.

Bičepangre 17:32

Har shounan le, kay rakrell o Paulo pral i morsheste, kay moulo his oun pale djido vas, his lenge sapaske. Vavar penan: “Tou te peness menge pral ko koova i vavar kopo boudeder.”

Louka 24:11

Oun kova, hoy i djouvya penan, his i morshenge dinelo rakepen. Oun yon patsan kol djouvyen gar.

Mateo 9:24

penas lo: “Djan t'menge! Kay čay meras gar. Yoy sovella.” Oun yon san pral leste.

Jeremia 20:7

Baro Devel, tou rakral yaake rah ap mande dren bis te krom, hoy tou kamal. Tou hal zorleder har me. Kanna vom lenge sapaske, oun hakeno sal man vin.

Jesaja 28:22

Kanna, ma san bouder pral mire laba, te venn i shelle troul t'mende gar gomme zorleder khetne pandlo. O baro Devel, ko ray pral o bolepen oun i phoub, moukas man te djinell, te las lo pes glan, te vell o merepen pral o tselo them.

Gosewe laba 29:1

Koon moukell pes či te penell, oun djal hako tsiro pal peskro shero, savo vella ap yek kopo phagedo, oun kek hi palle koy, kay hadell les pale pre.

2. Familjakro liil 36:16

Yon sanan o Debleskre bičepangren vin. Oun leskre laba his lenge či moldo, oun yon rikran o Debleskre rakepangre dineleske. Doleske vas o baro Debleskri rholi yaake phares pral peskre menshende, te nay van le gar vin lino koy dran.

1. Tessalonikarja 5:3

Te penenn i menshe: “Lauter hi mishto, kek kourepen hi kay, oun men hounte vell kek daar”, palle vell i bibarht pral lende, oun yon nay nashenn gar krik. Koy bibarht vell pral lende yaake sik, har i douka venn pral i djouvyate, kay lell i ternepen.

Louka 9:42

Har o čavo vas, vitsras ko beng o čaves ap i phoub, oun tserdas les yek rigyatar ap i vavar. Koy das o Yezous ko benges trad, oun kras o čaves sasto, oun das les peskro dadeste pale.

Mateo 1:18

Oun yaake his kova, har o Yezous Kristo boldo vas. Leskri day his i Maria. Lakro pirno his o Yosef. Har yon gomme gar romedino his, vas i Maria vavarčandes dran o Debleskro Dourho.

2. Mose 12:31

Oun o Farao moukas an kaya rat o Moses oun o Arones gole te dell oun penas ap lende: “Sik, moukenn kava them, t'mer oun i vavar Israelitarya! Djan t'menge mire menshendar krik! Djan oun mangenn t'maro baro Debles an, yaake har t'mer kaman.

2. Mose 9:21

Kolla, kay moukan penge kol laba, hoy o baro Devel penas, gar an o dji te djal, kolla moukan pengre boudepangren oun pengre firhen vin.

1. Mose 19:22

Kanna naash sik kote! Me nashte krau či, bis te tou an ko foro hal.” Dran kova hi o lab ko forestar Soar.

1. Mose 19:17

Har yon glan o foro his, penas ko yek bolepaskro ap o Lot: “Naash, te ačess tou djido! Ma dik pal toute! Ma ač tardo kate an kava them pash o pani Yordan! Naash ap kol berge, te vess tou gar maredo!”

1. Mose 19:15

Sik taysarlakro penan i bolepangre ap o Lot: “Kre sik! Ste pre, le tiri romyat oun tire douy čen, kay pash toute hi! Oun dja dran kava foro, te vess tou gar maredo, te lenn i menshe an kava foro pengri phagi.”

Jeremia 43:1

Har o Yeremia i tsele menshenge halauter penas, hoy lengro baro Devel leske penas, te penell lo lenge,

Jeremia 43:2

rakran pre-phourde morsha leha – mank lende his o Asarya, koleskro dad o Hoshaya his, oun o Yohanan, koleskro dad o Karea his – oun penan ap leste: Tou rhorheh! Maro baro Devel bičras tout gar pash mende, te peness menge: “Ma djan an o them Egiptia, oun ma djivenn kote!”