1. Mose 17:7 - O Debleskro Lab 2024 (Sinte-Manouche)

⁷ Kova, hoy me touha vin krau, ačell hako tsiro mange oun touke, tire čavenge, kolengre čavenge oun lauterenge, kay pal toute venna. Me hom tiro Devel oun ko Devel tire čavendar, kay pal toute venna.

O Debleskro Drom 2021 (Sinte)

⁷ Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

1. Mose 17:7 Referans Kwoze

1. Mose 26:24

An koy rati moukas pes o baro Devel lestar te dikell oun penas: “Me hom o Devel tiro dadestar Abraham. Ma traash! Me hom touha. Me čivau miri zoor oun miri barht ap toute. Tire čave, kay pal toute venna, venna boud oun boudeder. Yaake dom miro lab o Abrahameste, kay mange koy his.”

Bičepangre 2:39

O Devel penas, te dell lo peskro Dourho t'mende, oun t'mare čavende, ninna kolende lauterende, kay kanna dour lestar hi, oun kay yob pash peste gole della.”

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

Hebrearja 8:10

Ap ko tsiro, hoy vella, penell o Devel, rakrau pale lentsa, oun anau len ap o nevo drom. Me čivau miro čačepen an lengre shere, oun činau mire laba an lengre djia. Oun me hom lengro Devel, oun yon hi mire menshe.

Hebrearja 11:16

Kova kran le gar. Na-a. Lengro dji das gole pal i lačeder them. Kova hi an o bolepen. Doleske ladjell o Devel lenge gar, te penenn le: “Maro Devel!” ap leste. Oun yob kras lenge i foro.

3. Mose 26:12

Me djivau pash t'mende, oun hom t'maro Devel, oun t'mer han mire menshe.

1. Mose 28:13

Oun o baro Devel his tardo pral pre oun penas: “Me hom o baro Devel, ko Devel tiro papestar Abraham oun ninna o Isaakeskro Devel. Kava them, kay tou čiddo hal, dau tout oun tire čaven, kay pal toute venna.

Remarja 9:4

Yon hi Israelitarya. Kolen rodas o Devel vin, te venn le leskre čave. Lende sikras lo peskro raylepen. Lentsa kras lo vin, te vell lo lengro Devel oun yon peskre menshe. Lende das lo peskre laba, hoy penenna, har te djivenn le, ninna kol laba, hoy sikrenna, har te boudrenn le leske an peskro kheer. Lentsa rakras lo pral o djipen oun o bravlepen, hoy kamell lo len te dell an ko tsiro, hoy vella.

Markus 10:14

Har o Yezous kova dikas, vas lo rhoyedo, oun penas ap lende: “Moukenn kol čaven pash mande te vell! Ma rikrenn len pale! Save har yon, kolen das o Devel gole, te djivenn le khetne leha an o bolepen.

Mateo 22:32

Me hom o Abrahameskro Devel oun o Isaakeskro Devel oun o Yakobeskro Devel. Oun me penau t'menge: Yob hi gar o Devel kolenge, kay moulo hi. Na-a, yob hi o Devel i djidenge.”

Micha 7:20

Tou rikreh tiro lab, oun moukeh o Yakobeskre čaven gar. Kolenge, kay venn pal o Abrahameste, hal tou lačo, yaake har penal kova mare phourenge an o phouro tsiro, oun dal tout sovel koy pre.

Ezekiel 28:26

Oun yon djivenn an ko them, oun len hounte vell kek daar i vavar themendar. Yon krenn penge khera oun čivenn drakengre rouka an i phoub. Oun kek nay krell lenge čilačepen. An ko tsiro kay dau kol themma troul lende pengri phagi, kay tele dikan ap i Israelitarya, dikenn oun hayvenn i Israelitarya, te hom me o baro Devel lengro Devel.

2. Mose 6:4

Ninna dom lende miro vast koy pre, te dap len o them Kanaan, ko them, kay yon vi-themarya his.

2. Mose 3:6

Oun pale penas lo ap o Moseste: “Me hom tiro dadeskro Devel, oun o Abrahameskro Devel, oun o Isaakeskro Devel oun o Yakobeskro Devel.” Oun o Mose čivas i diklo glan peskre yaka. Yob daras, te dikell lo ap o Debleste.

Efesarja 2:2

T'mer djan ap o čilačo drom, yaake har i vavar menshe, oun shounan ap o bengeste. Kova hi o ray pral i čilače zorya mashkral o bolepen oun i phoub. Oun yob boudrell an i djia kolendar, kay shounenn gar ap o Debleste.

Debleskri gili 81:10

Pash t'mende hounte vell kek vavar devel, oun tou mangess kek vavar debles an!

1. Mose 6:18

Tout dau miro lab, kay ačeh djido. Koy dau miro vast pre. Oun tou djas tire čaventsa oun tiri romyah oun tire čavengre romyentsa an o panyeskro kheer dren.

1. Mose 17:13

Činlo hounte vell hako boudepaskro, kay pash t'mende boldo vas oun t'mendar ginlo vas. Ap t'maro mass dikenn t'mer, kay han mire menshe. Kava koova ačell yaake hako tsiro.

1. Mose 17:19

“Na-a”, penas o Devel, “tiri romni, i Sara, anell touke i čaves ap i phoub. Koles dess tou o lab Isaak. Koleske oun leskre čavenge ačell kova, hoy me touha vin krom hako tsireske.

2. Mose 6:7

Kamau, te venn t'mer mire menshe, oun me kamau t'maro Devel te vell. Oun t'mer dikenn oun hayvenn, te hom me, o baro Devel, t'maro Devel, kay las t'men vin dran i phari boudi, hoy i Egiptarya ap t'mende čivan.

3. Mose 11:45

Me hom o baro Devel, oun anom t'men dran o them Egiptia vin, te vap t'maro Devel. Kek vavar hi har me. An mande hi kek čilačepen. Oun t'mer hounte djivenn yaake har i Debleskre menshe djivenn.

3. Mose 25:38

Me, o baro Devel, hom t'maro Devel, oun anom t'men dran o them Egiptia vin, te dap t'men o them Kanaan, te vap t'maro Devel.

3. Mose 26:9

Me dikau lačes ap t'mende, oun krau, te lenn boud čave, yaake te venn boud. Oun hoy man sovel dom, te dap t'mende, rikrau dren.

3. Mose 26:45

Lengre phourentsa krom vin, te vap lengro Devel, har anom len dran o them Egiptia vin glan i yaka kol menshendar an i vavar themma. Kova bistrau me gar, me, o baro Devel.

5. Mose 29:13

Koy sovel djal lo gar t'mentsa kokres dren, kay han kava dives kate glan leste tardo. Na-a, ninna t'mare čaventsa, kay gomme gar boldo hi, djal lo koy sovel dren.

Čačepangre 2:1

Oun o baro Debleskro bolepaskro vas dran o foro Gilgal pre ap koy platsa, hoy kharella Bokim, oun penas: “Me lom t'men dran o them Egiptia vin, oun anom t'men an kava them, yaake har man sovel dom glan t'mare phoure dadende, te dau les t'mende. Oun me penom, te rikrap hako tsireske miro lab, hoy t'mende dom.

Jesaja 61:8

Me, o baro Devel kamau o čačepen, oun hom rhoyedo pral o čorepen oun o čilačepen. Oun čačepah, me dau lačo koova i menshende an Youda ko tselo čilačepaske, hoy ap lende vas. Oun me krau lentsa vin, te ačas mer mala hako tsiro. Koy pre dau miro čačo vast.

Jeremia 31:1

O baro Devel penell: An ko emligo tsiro hom me o Devel o tselo Israeleskre familyenge, oun yon hi mire menshe.

1. Mose 9:16

Te hi miro brishineskro bogo an o bolepen tardo, dikau les, oun ko lab, hoy dom, vell an miro shero. Ko lab ačell tardo hako tsiro mange oun hakeneske, kay djivella ap i phoub.”

3. Mose 26:44

Ninna te hi le an o them kolendar, kay lan len pandles, hi kova gar yaake, te rissroms man krik lendar, oun kamoms či bouder lendar te djinell. Me moukau len gar lauter te merell. Miri sovel, hoy lende dom, phagau gar. Me, o baro Devel, hom lengro Devel.

2. Samuel 7:24

Tou rodal touke kol menshen Israel vin, te venn yon tire menshe hako tsiro, oun tou, baro Devel, val lengro Devel.

1. Familjakro liil 16:14

O baro Devel hi maro Devel, oun o čačepaskro ray pral i tseli phoub.