1. Mose 17:4 - O Debleskro Lab 2024 (Sinte-Manouche)

⁴ “Shoun, kova hi, hoy me touke krau: Tou veh o dad boud menshendar. Yon venn yaake boud, kay lendar boud natsyone venna.

O Debleskro Drom 2021 (Sinte)

⁴ “Shun, kowa hi, hoi me tuke krau: Tu weh o dad bud menshendar. Jon wenn jaake bud, kai lendar bud natsjone wenna.

1. Mose 17:4 Referans Kwoze

1. Mose 35:11

Oun o Devel penas ap leste: “Me hom o zorelo Devel. Me dau tout boud čave. Yaake boud menshe venna toutar, kay lendar yek bari natsyona oun boud vavar natsyone venna. Ninna bare raya hi mank tire menshende.

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 48:19

Leskro dad kamas gar oun penas: “Me djinau, čava, me djinau. Ninna kolestar venna yaake boud menshe, te vell lendar yek natsyona. Leskro terneder phraal vell bareder har yob. Lestar venna yaake boud menshe, te venn lendar boud natsyone.”

1. Mose 32:12

De yak ap mande, te krell miro phraal o Esau mange či! Man hi daar lestar, te vell lo oun marell man, ninna i daya pengre čaventsa.

1. Mose 16:10

Palle penas o baro Debleskro bolepaskro ap late: “Me kamau tire čaven, kay pal toute venna, yaake boud te krell, kay nay djinell kek mensho, har boud yon hi.

1. Mose 13:16

Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

1. Mose 25:23

O baro Devel penas ap late: “Tou veh i day douy čavendar. Kol douyendar venna boud menshe, yaake boud, kay hakenestar yek natsyona vella. Ko terneder vell zorleder har ko phoureder oun vell o ray pral leste.”

2. Mose 6:4

Ninna dom lende miro vast koy pre, te dap len o them Kanaan, ko them, kay yon vi-themarya his.

1. Mose 28:3

O zorelo Devel čivell peskri zoor oun peskri barht ap toute oun dell tout boud čave, te venn toutar boud natsyone!