1. Mose 17:2 - O Debleskro Lab 2024 (Sinte-Manouche)

² Me kamau touha vin te krell, te vap tiro Devel, oun tou oun tire menshe venn mire menshe. Oun me dau tout boud boud čave, kay pal toute venna.”

O Debleskro Drom 2021 (Sinte)

² Me kamau tuha win te krell, te wap tiro Dewel, un tu un tire menshe wenn mire menshe. Un me dau tut bud bud tchawe, kai pal tute wenna.”

1. Mose 17:2 Referans Kwoze

1. Mose 12:2

Me kamau te vell toutar i bari natsyona. Me čivau miri zoor oun miri barht ap toute, oun kamau tiro lab bares te krell. Oun koy barht, hoy me tout dau, djal doureder ap i vavar menshenge.

1. Mose 15:18

Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 13:16

Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

1. Mose 9:9

“Shounenn, me dau t'men miro lab oun dau miro vast koy pre. Ko lab hi t'menge oun t'mare čavenge, kay pal t'mende venna,

Remarja 9:4

Yon hi Israelitarya. Kolen rodas o Devel vin, te venn le leskre čave. Lende sikras lo peskro raylepen. Lentsa kras lo vin, te vell lo lengro Devel oun yon peskre menshe. Lende das lo peskre laba, hoy penenna, har te djivenn le, ninna kol laba, hoy sikrenna, har te boudrenn le leske an peskro kheer. Lentsa rakras lo pral o djipen oun o bravlepen, hoy kamell lo len te dell an ko tsiro, hoy vella.

1. Mose 15:5

Oun o Devel anas les vin oun penas: “Dik an o bolepen! Oun dik i bolepangre momlia! Nay peneh tou, har boud kolla hi? Yaake boud menshe venna toutar.”

1. Mose 28:3

O zorelo Devel čivell peskri zoor oun peskri barht ap toute oun dell tout boud čave, te venn toutar boud natsyone!

2. Rajengro liil 13:23

Oun o baro Devel his lačo ap i Israelende oun kras peskro dji lenge pre oun dikas kamles ap lende, yaake har yob peskro lab das o Abrahameste, o Isaakeste oun o Yakobeste. Oun yob das len gar an o merepen oun vitsras len gar pestar krik bis ap kava dives.

1. Familjakro liil 16:16

Kova hi ko lab, hoy das lo o Abrahameste, koy sovel, hoy das lo o Isaakeste,

Debleskri gili 25:14

O baro Devel hi o maal kolenge, kay djivenn leha, oun lende sikrell lo, te hi lo lengro Devel oun yon peskre menshe.