1. Mose 16:3 - O Debleskro Lab 2024 (Sinte-Manouche)

³ Oun o Abrameskri romni, i Saray, las peskri boudepaskretsa, i Hagar, kay dran o them Egiptia his, oun das lat peskro romes Abram, te vell li leskri romni. An ko tsiro djivas o Abram deesh bersha an o them Kanaan.

O Debleskro Drom 2021 (Sinte)

³ Un o Abrameskri romni, i Sarai, las peskri budepaskretsa, i Hagar, kai dran o them Egiptia his, un das lat peskro romes Abram, te well li leskri romni. An ko tsiro djiwas o Abram deesh bersha an o them Kanaan.

1. Mose 16:3 Referans Kwoze

1. Mose 16:5

Koy penas i Saray ap o Abram: “Kay bibarht, hoy man hi, hi tiri doosh. Me dom tout miri boudepaskretsa, te vell li tiri romni. Kanna, kay yoy hayvella, kay vell li day, hom me bouder či moldo an lakre yaka. O baro Devel mou vell miro čačepaskro ray.”

Galatarja 4:25

I Hagar hi har i berga Sinay an Arabia. Yaake har kote i menshe ap o Moseskre laba pandlo van, yaake hi kanna o foro Yerusalem peskre menshentsa ap o Moseskre laba pandlo.

1. Rajengro liil 11:3

Oun les his 700 (efta-sheel) romya, kay van dran rayengre khera, oun 300 (triin-sheel) vavar djouvya. Oun leskre djouvya rissran leskro dji.

2. Samuel 5:13

Har moukas o David o foro Hebron oun djivas an o foro Yerusalem, las lo peske boudeder romyen oun ninna vavar djouvyen. Oun leske van boudeder čave oun ča boldo.

1. Mose 35:22

An ko tsiro har o Israel an ko them djivas, djas o Ruben pash o Yakobeskri vavar romyate, i Bilha, oun čivas pes pash late. Oun o Yakob shounas kova. O Yakobes his deesh-te-douy čave.

1. Mose 32:22

Yaake djan i boudepangre i firhentsa glan o Yakobeste. Oun yob ačas i rati ap koy platsa.

1. Mose 30:9

Har i Lea dikas, kay las yoy kek čave bouder, das yoy peskri boudepaskretsa Silpa peskro romeste, te vell yoy leskri romni.

1. Mose 30:4

Oun yoy das les lakri boudepaskretsa Bilha, te vell yoy leskri romni. Oun o Yakob djas pash late.

1. Mose 28:9

Oun o Esau djas pash o Abrahameskro čaveste Ismael, oun las peske koleskri čat, i Mahalat. Koya vas leskri triinti romni. Lakro phraal his o Nebayot.

1. Mose 25:6

Oun kol čaven, kay leskre vavar romyendar bolde van, das o Abraham kouč koova pestar. An ko tsiro har yob djivas, bičras lo len dour krik peskro čavestar Isaak an ko them, hoy kote čiddo hi, kay o kham pre-djala.

1. Mose 16:4

Oun o Abram djas lah khetne. Oun i Hagar vas lestar an vavar koova. Har i Hagar hayvas, kay vell li day, molas lakri rani an lakre yaka či bouder.

1. Mose 16:16

Har o Ismael boldo vas, his o Abram 86 (orhta-deesh-te-shob) bersha phouro.

1. Mose 21:21

Oun yob djivas an ko moulo tato them, hoy kharella Paran. Oun leskri day las leske i romni dran o them Egiptia.