1. Mose 16:15 - O Debleskro Lab 2024 (Sinte-Manouche)

¹⁵ Oun i Hagar anas o Abrameske i čaves ap i phoub. Oun o Abram das peskro čaves o lab Ismael.

O Debleskro Drom 2021 (Sinte)

¹⁵ Un i Hagar anas o Abrameske i tchawes ap i phub. Un o Abram das peskro tchawes o lab Ismael.

1. Mose 16:15 Referans Kwoze

1. Mose 25:12

Kova hi ko liil, kay činlo hi i laba kol menshendar, kay venna o Abrahameskro čavestar Ismael. Koleskri day his i Hagar dran o them Egiptia, koy boudepaskretsa, kay boudras i Sarake.

1. Familjakro liil 1:28

O Abraham his o dad douy morsh čavendar: o Isaak oun o Ismael.

1. Mose 37:27

Avenn, mer bikrah les ap i Ismaelarya. Yaake moukah mer les djido. Yob hi maro phraal oun maro mass oun rat.” Oun yon shounan ap leste.

1. Mose 28:9

Oun o Esau djas pash o Abrahameskro čaveste Ismael, oun las peske koleskri čat, i Mahalat. Koya vas leskri triinti romni. Lakro phraal his o Nebayot.

1. Mose 25:9

Leskre čave, o Isaak oun o Ismael, paskran les an koy grotta, hoy kharella Makpela, ap ko kotar them, hoy hi čiddo glan Mamre. Glan kava tsiro his ko kotar them o Efrones, koleskro dad o Sohar hi.

1. Mose 17:20

Ninna, hoy tou mandar mangal tiro čaveske Ismael, kamau me te krell. Shoun, me čivau miri zoor oun miri barht ap leste. Oun me dau les boud čaven, te venn lestar boud boud menshe. Yob vell o dad deesh-te-douy rayendar oun lestar vell i bari natsyona.

1. Mose 17:18

Oun o Abraham penas ap o Debleste: “Ah, mouk kova, hoy tou mange penal, ap o Ismael te vell!”

1. Mose 16:11

Tou hal an vavar koova. Tou leh i morsh čavo. Koles dess tou o lab Ismael. O baro Devel shounas, har dal gole i bibarhtyatar.

1. Mose 16:14

Doleske kharell ko pani, kay yoy his Beer-Lahay-Roy. Kova hi čiddo mank kol forya Kadesh oun Bered.

1. Mose 16:16

Har o Ismael boldo vas, his o Abram 86 (orhta-deesh-te-shob) bersha phouro.