1. Mose 16:14 - O Debleskro Lab 2024 (Sinte-Manouche)

¹⁴ Doleske kharell ko pani, kay yoy his Beer-Lahay-Roy. Kova hi čiddo mank kol forya Kadesh oun Bered.

O Debleskro Drom 2021 (Sinte)

¹⁴ Doleske kharell ko pani, kai joi his Beer-Lachai-Roi. Kowa hi tchiddo mank kol forja Kadesh un Bered.

1. Mose 16:14 Referans Kwoze

4. Mose 13:26

Oun van pash o Mose oun o Aron oun pash kol tsele Israelitarya, kay ačan an o moulo tato them Paran pash i panyeskro kotar them, hoy kharella Kadesh. Oun yon penan lenge kova, hoy yon dikan, oun sikran lende kol drake, phabya oun fayge dran ko them.

1. Mose 25:11

Pal o Abrahameskro merepen čivas o Devel peskri zoor oun peskri barht ap leskro čaveste Isaak. An ko tsiro djivas o Isaak pash ko pani, hoy kharella Lahay-Roy.

1. Mose 24:62

An ko tsiro djivas o Isaak an o them Negev pash o pani Lahay-Roy.

1. Mose 21:31

Dran kova kharella koy platsa, kay dan pen kol douy sovel, Beersheba.

1. Mose 14:7

Koy pal rissran pen kol star bare raya trouyel oun van an ko foro En-Mishpat. Kova hi kanna Kadesh. Oun yon maran i tsele menshen an ko them, kay i Amalekarya djivan, ninna i Amorarya, kay an Hazezon-Tamar djivan.

1. Mose 16:15

Oun i Hagar anas o Abrameske i čaves ap i phoub. Oun o Abram das peskro čaves o lab Ismael.

1. Mose 21:19

Oun o Devel kras lake i yaka pre. Oun yoy dikas i tikno pani, djas kote, kras ko gono pherdo pani, oun das kol čaves te piyell.