1. Mose 13:4 - O Debleskro Lab 2024 (Sinte-Manouche)

⁴ Kote his koy platsa, kay yob i Debleskri rhačepaskri kras. Oun kote kharas yob pale o baro Debles an.

O Debleskro Drom 2021 (Sinte)

⁴ Kote his koi platsa, kai job i Debleskri chatchepaskri kras. Un kote kharas job pale o baro Debles an.

1. Mose 13:4 Referans Kwoze

Jeremia 29:12

Te denn t'mer man an-gole oun venn oun mangenn mandar, palle shounau me ap t'mende.

Jesaja 58:9

Palle deh tou gole, oun o baro Devel rakrell ap toute pale! Hako kopo, kay deh gole ab ap miri rig, penell yob: Kate hom. Tou rikress kekes tele pash toute, oun aness či ap yekeste pre, hoy gar čačo hi, oun rakress gar djoungeles pral leste.

Zefanja 3:9

Pal kova dau i menshen an i vavar themma djoudje mouya, te kharenn le halauter o baro Debleskro lab an, oun mangenn les khetne an.

Debleskri gili 116:2

Leskro kand hi mange pre. Doleske rakrau leha yaake rah har djivau.

1. Korintarja 1:2

ap i patslende, kay venn khetne an o Debleskro lab an o foro Korint. Kolen rodas o Devel vin, te venn le leskre čave, oun te djivenn o Yezous Kristeha khetne. Kava liil hi ninna kol tsele vavarenge, kay o Yezous Kristes an hake gaba oun forya an-mangenna. Yob hi lengro oun maro ray.

Debleskri gili 145:18

O baro Devel hi gar dour hakenestar, kay dell les an-gole, hakeneske, kay dell les an-gole an o čačepen.

Debleskri gili 116:17

Pash toute kamau me man te parkrell, oun tout an-mangell.

Debleskri gili 107:15

Yon hounte parkrenn pen pash o baro Debleste, te vas lo yaake lačes ap lende, oun kras baro shoukar koova ap i menshende,

Debleskri gili 107:1

Sharenn o baro Debles. Yob hi lačo. Leskro lačepen ačell hako tsireske.

Debleskri gili 84:10

Dik lačes ap o baro rayeste, koles menge ap mari rig čival! Dik ap leste, koles vin rodal, te vell lo maro ray!

Debleskri gili 107:8

Yon hounte parkrenn pen pash o baro Debleste, te vas lo yaake lačes ap lende, oun kras baro shoukar koova ap i menshende.

Debleskri gili 26:8

Me kamau o kheer, kay tou djiveh, miro tselo djiyestar, oun koy platsa, kay tiro raylepen diklo vella.

1. Mose 13:18

Oun o Abram djas peskre plarhtene kherentsa trouyel, oun vas pash o foro Hebron oun ačas tel i bare rouka ko morshestar Mamre. Oun kote kras yob i rhačepaskri o baro Debleske, kay venn firhe leske rhačedo.

1. Mose 4:26

Oun o Set las ninna i čavo. Koles das yob ko lab Enosh. An ko tsiro mangan i menshe o ersto kopo o baro Debles an.

1. Mose 26:25

Oun kote kras o Isaak i rhačepaskri, te venn firhe rhačedo o Debleske, oun mangas o baro Debles an. Oun kote čivas yob peskro plarhteno kheer pre. Oun peskre boudepangre hadan kote i brounna vin.