1. Mose 11:7 - O Debleskro Lab 2024 (Sinte-Manouche)

⁷ Avenn, djas tele pash lende oun das hakenes i vavar rakepen, yaake, kay yek i vavares bouder gar hayvella.”

O Debleskro Drom 2021 (Sinte)

⁷ Awenn, djas tele pash lende un das hakenes i wawar rakepen, jaake, kai jek i wawares buder gar haiwella.”

1. Mose 11:7 Referans Kwoze

Debleskri gili 33:10

O baro Devel moukell kova gar te vell, hoy kol menshe an i vavar themma kamenn te krell. Lenge čivell lo barra an o drom.

Debleskri gili 55:9

Sik nashoms, te khatrap man glan o baro oun zorelo dourho, hoy pral i phoub phourdell, oun glan o baro brishin.

1. Mose 1:26

Oun o Devel penas: “Kanna krah menshen. Yon venn yaake har mer. Yon hi ray pral i mačende an o baro pani oun pral i čirklende an o bolepen, pral i divye firhende oun pral kolende, kay gar divye hi, ninna pral i tikne firhende, hoy djan pral i phoub.”

1. Korintarja 14:23

Dikenn, te vans i tsele patsle khetne, oun rakrans lauter an i vavar rakepen, oun koy vals yek, kay gar patslo hi oun kay prindjrell kova gar, penals kova: “Kalla hi lauter narvele!”

Jeremia 5:15

Pen kol menshenge an Israel: Me anau menshen foun doural pash t'mende, penell o baro Devel, menshe, kolengro rakepen, oun hoy yon penenna, hayvenn t'mer gar. I phouri natsyona hi le. Oun len hi bari zoor.

Debleskri gili 2:4

O Devel, kay an o bolepen beshdo hi, sal pral lende oun lengro dinelo rakepen.

Hiob 12:20

Kolla, kay nay rakrenn lačes glan i vavarende, kolenge lell lo i laba krik, oun i phourentsa krell lo, te djinenn le bouder gar hoy čačo hi oun hoy gar čačo hi.

5. Mose 28:49

Menshen dran i dour them, foun i vavar rig i phoubyatar, anell lo pral t'mende. Sik har i baro čirklo venn le pral t'mende. Lengro rakepen hayvenn t'mer gar.

Jesaja 6:8

Oun me shounom, har o baro Devel, maro ray poučas: “Kones bičrap, oun koon rakrell mange?” Kote penom me: “Kate hom, biče man!”

1. Mose 42:23

Yon djinan gar, kay o Yosef lengro rakepen hayvas. Yob rakras lentsa an o egiptikro rakepen. Oun i vavar penas lenge, hoy yob penas.

1. Mose 11:5

Koy vas o baro Devel tele, te dikell lo ko foro oun ko baro kheer, hoy kol menshe krenn.

1. Mose 10:20

Kolla hi i čave o Hamestar pengre menshentsa. Lendar van bare familye. Hakeni rakras peskro rakepen oun djivas an peskro them.

1. Mose 3:22

Oun o baro Devel, maro ray, penas: “Dikenn, o mensho vas yaake har mer: Yob djinell, hoy hi lačo oun hoy hi čilačo. Kanna hi gar mishto, te rhal lo ninna ko roukestar, hoy della o djipen. Palle djivell yob hako tsireske.”

1. Mose 10:32

Kolla hi halauter i menshe, kay venna o Noaheskre čavendar. Lengre laba hi yaake pre činlo, te vell diklo, koon lengro dad hi, oun have menshe lendar venna. Kol menshendar venna i tsele menshe ap i phoub pal o baro pani.

1. Mose 10:5

Kolendar venna i menshe, kay djivenna an i themma pash o baro pani. Kolla hi i čave o Yafetestar pengre menshentsa. Lendar van bare familye. Hakeni rakras peskro rakepen oun djivas an peskro them.

2. Mose 4:11

Pale penas o baro Devel ap o Moseste: “Koon krell, te nay rakrenn i menshe? Oun koon krell kova, te nay rakrell oun shounell yek gar? Koon krell kova, te nay dikenn le? Oun koon krell, te nay dikell yek gar? Hom kova gar me?

Jesaja 33:19

Kol pre-phourde menshen dikeh tou gar bouder, kolengro rakepen gar hayval, kol laba, kolendar gar djinal, hoy kamenn le te penell.