1. Mose 11:3 - O Debleskro Lab 2024 (Sinte-Manouche)

³ Oun yon penan yek ap o vavareste: “Avenn, las čik, te kras barra dran lende, oun rhačras len, te venn le zoreles.” Oun yon lan čik oun kran barra dran. Oun lan teera te čivenn le lat mank i barra, te ačenn kol barra khetne.

O Debleskro Drom 2021 (Sinte)

³ Un jon penan jek ap o wawareste: “Awenn, las tchik, te kras barra dran lende, un chatchras len, te wenn le soreles.” Un jon lan tchik un kran barra dran. Un lan teera te tchiwenn le lat mank i barra, te atchenn kol barra khetne.

1. Mose 11:3 Referans Kwoze

1. Mose 14:10

An i tala Siddim his boud rhebya an i phoub, kay pherdo teera his. I raya pral i forya Sodom oun Gomorra pengre lourdentsa hounte nashan penge. Oun boud peran an kol rhebya. Oun kol vavar, kay pral ačan, nashan an i berge.

2. Mose 2:3

Har khatras li les nay bouder gar, kras yoy i tikni korba, makas i korba mit čomone dren, kay djal kek pani dren, oun čivas lakro ternepen koy dren, las koy korba, čivas les mank ko baro panyeskro khass pash o pani Nil.

2. Mose 1:14

Len his kek dji lenge oun kran lengro djipen phares. Oun i Israelitarya hounte rhačan barra dran čik. Ninna hounte boudran le phares ap i harhetikri phoub.

Jakobo 5:1

Kanna penau ap t'mende, kay bravelo han: Rovenn oun denn gole pral koy bibarht, hoy pral t'mende vella!

Hebrearja 10:24

Das yak yek ap o vavareste, te kamell yek o vavares o djiyestar, oun te krell hakeno lačo koova!

Hebrearja 3:13

Rakrenn hako dives khetne pral o patsepen, te ačenn pash o Debleste! Ko tsiro, kay rakrell o Devel ap t'mende hi kanna. Te shounenn t'mer gar ap o Debleste, nay vell i tsiro, kay shounenn t'mer bouder gar, te dell lo t'men gole.

Jesaja 9:10

O baro Devel kras kolen zoreles, kay kamenn i Israelenge čilačepen te krell, o Rezin oun kol vavaren, te djan le ap lende pre:

2. Samuel 12:31

Kol menshen dran ko foro anas lo vin. Oun kolla hounte boudran phares ap i činepangre, te činenn le bar, oun ap i sasterne tover oun vavar sasterne koola, oun moukas len boudrenn pash o bob, kay venn barra dran čik rhačedo. Yaake kras yob kol tsele foryentsa kol Ammonendar. Pal kova djas o David peskre tsele lourdentsa pale an o foro Yerusalem.

Jakobo 4:13

Mashkral t'mende hi kolla, kay penenna: “Kava dives kamah mer an ko foro te djal, oun kamah yek bersh koy te ačell, te ginas oun te bikras, oun te anas boud love khetne.”

Nahum 3:14

Hidjenn t'menge pani khetne ko tsireske, kay čivenn pen i lourde troul t'maro foro tardo, oun t'mer yaake dren pandlo han. Dikenn pal t'mare massurya, krenn len zorleder! Stakrenn koy čik, kolatar t'mer barra rhačenn! Krenn zorele barra!

Jesaja 65:3

Kol menshe moukenn gar tele, te krenn le kova, hoy man rhoyrell: Yon anenn firhen i vavar deblenge ap lengre shoukar platse, oun rhačrenn lenge soungepaskro koova ap barra.

Jesaja 5:5

Yaake kamau t'menge kanna penell, hoy kamau te krell ko drakengro themeha, hoy mange hi. Me kamau kol bourra krik te lell, hoy troul leste hi, yaake te vell lo tele rhalo, oun leskri massouri moukau tele te phagell, yaake te vell lo khetne stakedo.

Sikepaskro 2:1

Me penom mange: Mishto palle, me kamau lačes te djivell oun moukau les mange mishto te djal! Kote hayvom, kay kova ninna čičeske hi.

Gosewe laba 1:11

Yon nay penans: “Am mentsa! Mer lourah yekes pre oun marah les. Mer nay hatsams saven, kay kek čilačepen an lengro shero hi. Kolen lah palla, te vell men čomone sapaske.

Debleskri gili 64:5

Ap yek kopo denn le karye dran pengro khatepen ap koleste, kay o čačo drom djal, oun ladjenn pen gar.

1. Mose 11:7

Avenn, djas tele pash lende oun das hakenes i vavar rakepen, yaake, kay yek i vavares bouder gar hayvella.”

1. Mose 11:4

Oun yon penan: “Avenn, mer krah menge i foro oun i baro kheer, hoy djal an o bolepen. Yaake sikrah hakeneske, har baro mer ham. Oun mer ačah khetne an ko them.”