1. Mose 1:9 - O Debleskro Lab 2024 (Sinte-Manouche)

⁹ Oun o Devel penas, te vell ko pani ap i phoub khetne ap yek rig, te vell o trouk them diklo. Oun yaake vas kova.

O Debleskro Drom 2021 (Sinte)

⁹ Un o Dewel penas, te well ko pani ap i phub khetne ap jek rig, te well o truk them diklo. Un jaake was kowa.

1. Mose 1:9 Referans Kwoze

2. Petro 3:5

Kol menshe kamenn gar te hayvell, kay kras o Devel o bolepen oun i phoub glan i rah tsiro. Yaake har yob penas, djas i phoub vin dran o pani oun ačas ap yek rig čiddo, oun o pani ap i vavar rig.

Jona 1:9

Oun yob penas ap lende: “Me hom i Hebreari oun mangau o baro Debles an, ko Devel pral o bolepen, kova kay kras o baro pani oun ninna o them.”

Jeremia 5:22

Hi t'men kek traash mandar, poučell o baro Devel. Trissenn t'mer gar glan mande? Me krom, te ačell o baro pani ap yek platsa, oun čivom santa koy glan. Koy hounte ačell o pani hako tsiro, oun doureder nay nashell lo gar. Ninna te vell ko pani yaake divyo, oun djal pral oun tele, nay djal lo gar doureder.

Debleskri gili 95:5

Leskro hi o baro pani. Yob kras les. Ninna o them, yob kras les leskre vastentsa.

Sikepaskro 1:7

I tsele tikne panya nashenn an o baro pani. Oun o baro pani vell gar pherdo. Oun o pani vell pale kote, kay lo his, oun kotar nashell lo pale.

Debleskri gili 33:7

Yob rikrell i bare panya khetne har an i gono, oun čivell i bare panya khetne har an i kheer.

Hiob 26:10

Yob čivas i bogo pral o baro pani yek rigyatar ap i vavar, te vell o dives oun i rati gar khetne.

Debleskro tsiro 10:6

oun das pes sovel pash koleste, kay djivella kanna oun hako tsiro, kova hoy o bolepen kras, oun lauter, hoy an leste hi, ninna i phoub oun lauter, hoy ap late hi, oun ninna o baro pani, oun lauter, hoy an leste hi. Oun o bolepaskro penas: “O tsiro hi trouyel.”

Debleskri gili 104:3

oun kral touke i kheer pral i panya. Tou oulereh ap i volke har ap i vourdin, oun i vinta hidjreh tout.

Hiob 26:7

O Devel kras o bolepen bourhles pral kova, kay či hi, oun pandas i phoub kote pre, kay či hi.

1. Mose 1:8

Oun o Devel das o bolepen o lab bolepen. Oun vas rati oun pale taysarlakro. Kova his o douyto dives.

Nehemia 9:6

Tou, baro Devel hal kokres o Devel! Tou kral o bolepen oun leskre tsele bolepangre momlia, oun i phoub oun lauter, hoy ap late hi, ninna o baro pani oun lauter, hoy an leste hi. Oun tou kral, te djivell kova lauter. Oun i tsele bolepangre an o bolepen vitsrenn pen tele glan toute.