1. Mose 1:27 - O Debleskro Lab 2024 (Sinte-Manouche)

²⁷ Oun o Devel kras i menshen yaake har yob hi. Ava, yaake har yob hi, kras lo len: o morshes oun i djouvyat.

O Debleskro Drom 2021 (Sinte)

²⁷ Un o Dewel kras i menshen jaake har job hi. Awa, jaake har job hi, kras lo len: o murshes un i djuwjat.

1. Mose 1:27 Referans Kwoze

Mateo 19:4

Penas lo: “T'mer djinenn, hoy hi an o Debleskro lab činlo: O Devel kras o morshes oun i djouvyat.

Efesarja 2:10

Kova, hoy mer kanna ham, kras o Devel dran mende. Har vam patslo ap o Yezous Kristeste, das lo men o nevo djipen, te kras mer ko lačo koova, hoy yob menge vin rodas oun an mare vasta das.

Markus 10:6

Kova his gar yaake, har o Devel lauter kras. Ap ko tsiro kras lo o morshes oun i djouvyat.

Efesarja 4:24

Djivenn kanna o nevo djipen, hoy t'men o Devel das! Palle han t'mer an o čačepen tardo, oun han čačepah leske koy.

Debleskri gili 139:14

Me parkrau man pash toute, te kral man yaake shoukar. Ap mande dikau, lauter hoy kreh, hi yaake mishto, te ačell mange o rakepen krik.

Jesaja 43:7

Halauter te venn khere, kay miro labeha kharedo venn, kolen mange krom, te vell miro lab baro, kolendar i natsyona krom, hoy miro hi.

Kolossarja 1:15

Kek nay dikell o Debles. Har leskro čavo ap i phoub vas, sikras yob har o Devel hi. O Yezous Kristo hi yaake har peskro dad. Oun yob hi bareder har lauter, hoy kerdo vas.

Maleachi 2:15

Kek krals sau koova, te vals i tikno kotar foun miro dourho an leste. Yob kamals čave te lell, kay o Debleske koy hi. Doleske denn yak an t'mare djia, te rhorhell oun moukell kek t'mendar peskri romyat!

1. Mose 2:18

Oun o baro Devel, maro ray, penas: “Hi gar mishto, te ačell o rom kokres. Me krau yekes har yob, kay pash leste hi.”

Kolossarja 1:26

I rah tsiro djinan i menshe ap i tseli phoub gar, hoy o Devel kamas te krell. Kanna djinenn les o Debleskre menshe.

Kolossarja 3:10

Djivenn kanna o nevo djipen! Moukenn t'men o Deblestar boud oun boudeder neves te krell, yaake te prindjrenn o Debles feteder oun djinenn, hoy yob kamella! Palle venn t'mer yaake har yob, kay t'men o nevo djipen das.

1. Mose 9:6

O Devel kras o menshes, yaake har yob hi. Doleske hounte vell kova moulo dino i menshestar, kay i menshes moulo das.

5. Mose 4:32

Rakrenn pral ko phouro tsiro, har t'mer gomme gar koy hans, har o Devel o menshes ap kay phoub kras. Rodenn ap i tseli phoub: Vas sau baro koova diklo oun shounlo,

Sikepaskro 7:29

Dik, kova kokres hatsom: O Devel kras o menshes yaake, te djivell lo an o čačepen; i menshe rodenn penge boud dromma, kay nay krenn le čilačepen.

1. Mose 2:7

Oun o baro Devel, maro ray, kras o romes dran čik i phoubyatar. Oun phourdas peskro dourho, hoy della o djipen, an o romeste. Oun o rom vas djido.

Čačepangre 21:22

Oun te venn lengre dada oun lengre phrala, te čingrenn le mentsa, palle kamah lenge te penell: Avenn menge lačes, oun moukenn lenge kol čen! Mer nashte lap gar hakeneske lendar i romni an o kourepen. Oun t'mer han gar kolla, kay dan len lende. Yaake anenn t'mer kek doosh ap t'mende, te moukenn t'mer len lende.”

Jeremia 29:6

Romedinerenn oun lenn čaven! Lenn romyen t'mare morsh čavenge, oun rodenn t'mare čenge morshen, te romedinerenn le, oun anenn čaven oun čen ap i phoub! Avenn boud oun gar tikneder!